ރައީސް ނަޝީދު ވަކި ކުރަން ޝިޔާމް، މޮސްޓާ އަދި ޖާބިރު ވެސް ސޮއިކުރައްވައިފި
ރައްޔިތުންގެ މަޖިލީހުގެ ރައީސްގެ މަޤާމުން، ރައީސް މުޙައްމަދު ނަޝީދު ދުރުކުރަން 50 މެންބަރަަކު ސޮއި ކުރައްވައިފިއެވެ.
މަޖިލީހުގެ ރައީސް ކަމުން މުޙައްމަދު ނަޝީދު ވަކި ކުރަން ނިންމާފައިވާކަން ހާމަކޮށްފައިވަނީ މިއަދު މެންދުރު އެމްޑީޕީން ބޭއްވި ނޫސްވެރިންގެ ބައްދަލުވުމެއްގައެވެ.
އެމަނިކުފާނު މަޤާމުންވަކިކުރަން ސޮއި ހޯދަން ފެށިތާާ ގަޑިއިރެއްގެ ތެރޭގައި 44 މެންބަރުންގެ ސޮއި ހޯދާފައިވާ ކަމަށް މީގެ ކުރިން، އައްޑޫ މީދޫ ދާއިރާގެ މެންބަރު ރޮޒައިނާ އާދަމް ވަނީ ވިދާޅުވެފައެވެ.
މައުލޫމާތު ލިބިފައިވާ ގޮތުގައި މިހާރު ވަނީ ރައީސް ނަޝީދު ދުރުކުރަން 50 ސޮއި ހޯދާފައެވެ. އެއީ ރައީސް ޞާލިޙާއި ރިޔާސީ އިންތިޚާބުގައި ކޯލިޝަން ހައްދަވާނެކަން ހާމަކުރައްވާފައިވާ އެމްޑީއޭގެ ރައީސް، މީދޫ ދާއިރާގެ މެންބަރު ޝިޔާމާއި، ކާށިދޫ ދާއިރާގެ މެންބަރު އަބްދުﷲ ޖާބިރާއި ނޮޅިވަރަން ދާއިރާގެ މެންބަރު ނަޝީދުގެ ސޮއިއާއެކުއެވެ.
ރައްޔިތުންގެ މަޖިލީހުގައި އެމްޑީޕީއަށް ނިސްބަތްވާ މިހާރު ތިބެނީ 56 މެމްބަރުންނެވެ. އޭގެ ތެރެއިން މިއަދުގެ ރައީސް ނަޝީދުގެ އިތުބާރު ނެތް ކަަމުގެ މައްސަލަަ މަޖިލީހަށް ވައްދަން ނިންމަން ބޭއްވި ޕީޖީ ބައްދަލުވުމުގައި ބައިވެރިވީ 42 މެމްބަރުންނެވެ. ރައީސް ނަޝީދުގެ އިތުބާރު ނެތްކަމަށް ހުށަހަޅަން ފާސްވީ 36 މެމްބަރުންގެ ވޯޓާއިއެކުއެވެ.
