ސަލްމާނަށް ވަގުތު ނުދެވިގެން، މި ލަވައިގެ ބޮޑުބައި ކުޅުނީ އެހެން މީހެއް
ބޮލީވުޑްގެ ފިލްމު "ކުޗް ކުޗް ހޯތާ ހޭ" ރިލީޒްކުރިތާ އެތައް އަހަރެއް ފާއިތުވީއިރުވެސް، ގިނަ ބަޔަކަށް އެ ފިލްމު ވަރަށް ކަމުދެއެވެ.
ޝާހް ރުކް ޚާނާއި ކާޖޮލް އަދި ރާނީ މުކަރުޖީ މުހިއްމު ބައިތައް ކުޅެފައިވާ މި ފިލްމުގައި ސަލްމާން ޚާންގެ "ގެސްޓް އެޕިއަރެންސް" ހިމެނެއެވެ. ފިލްމުގައި ހިމެނޭ އެންމެ ރީތި އެއް ލަވަ "ސާޖަން ޖީ ގަރް އާއޭ" ކުޅެފައިވަނީ ވެސް ސަލްމާނެވެ.
ނަމަވެސް މި ލަވައިގެ ދެބައިކުޅަ އެއްބަޔަށް ވުރެ ބޮޑުބައިގައި އެ ފެންނަނީ ސަލްމާންއެއް ނޫނެވެ. އެ ބައިތައް ކުޅެފައިވަނީ ސަލްމާނާ އެއްވައްތަރު މީހެއް ނުވަތަ ބޮޑީޑަބަލް ލައްވައެވެ.
މި ލަވައިގެ ކޯރިއޯގްރާފަރު ދާދިފަހުން ރިއަލިޓީ ޝޯއެއްގައި އެވާހަކަތައް ކިޔައިދިނެވެ.
ކޮރިއޯގްރާފަރ ބުނީ، ސަލްމާން ޝޫޓިންއަށް އަންނަނީ ދުވާލަކު އެންމެ ދެތިން ގަޑިއިރަށް ކަމުން، ބާކީ ހުންނަ ޝޮޓްތަކުގައި، އޭނާގެ ބޮޑީ ޑަބަލް ބޭނުން ކުރަނީ ކަމަށެވެ.
