ދެ ދުވަހަށް ފަހު މަޖިލިސް ޖަލްސާއެއް މާދަމާއަށް އެޖެންޑާ ކޮށްފި
ދެ ދުވަހަށް ފަހު މާދަމާ މަޖިލިސް ޖަލްސާއެއް ބާއްވަން ތާވަލުކޮށްފިއެވެ.
މަޖިލީހުގެ މާދަމާގެ އެޖެންޑާގައިވާ ގޮތުން މާދަމާ އޮތް ހަމައެކަނި މަސައްކަތަކީ މަޖިލީހުގެ ކޮމިޓީތައް އެކުލަވައިލުމުގެ މަސައްކަތެވެ.
މާދަމާ މަޖިލިސް ޖަލްސާއެއް ބާއްވަން ނިންމާފައިވާއިރު މަޖިލީހުގެ ރައީސް މުހައްމަދު ނަޝީދާއި ނައިބު ރައީސް އީވާ އަބްދުﷲ ގެ އިތުބާރު ނެތް ކަމުގެ މައްސަލައެއް ހުށަހަޅާފައިވާތީ ރިޔާސަތުގައި ނީންނަވާނެ ކަމަށް އެ ދެ ބޭފުޅުން ވަނީ ވިދާޅުވެފައެވެ.
މިކަމާއި ގުޅިގެން އިދިކޮޅު ކޯލިޝަނުން ވަނީ ރައީސް މުހައްމަދު ނަޝީދު މަޖިލީހުގެ ރިޔާސަތާއި ހަވާލުވާން އުޒުރުވެރިވާކަމަށް ވިދާޅުވެފައި އޮތް އޮތުން އަނބުރާ ގެންދަވައި މަޖިލީހުގެ ރިޔާސަތާއި ހަވާލުވާން އެދިފައެވެ.
އިދިކޮޅުން ބުނެފައިވަނީ މަޖިލީހުގެ ރައީސް އަދި ނައުބު ރައީސްގެ އިތުބާރު ނެތްކަމުގެ މައްސަލަ މަޖިލީހަށް ވެއްދީ މަޖިލީހުގައި "ޑެޑްލޮކް" ނުވަތަ މަރުތަޅު އެޅުމުގެ ބޭނުމުގައި ކަމަށެވެ. އެމްޑީޕީން ދަނީ އެ ތުހުމަތުތައް ދޮގު ކުރަމުންނެވެ.
ގޮނޑީގައި ސޭލް ގޮޅީގައި ސޭލް :
މިއަދު ދިވެހިރާއްޖޭގެ ސިޔާސީ މާރުކޭޓްގައި ސިޔާސީ މީހުން ސިޔާސީ ގޮޅިތަށް ބެހިފައިވަނީ 4 ކެޓަގަރީއަކަށް !
1/ ޖީއެމްއާރު ޗޯރުން
2/ އެމްއެމްޕީއާރުސީ ޗޯރުން
3/ ވެންޓިލޭޓަރު ޗޯރުން
4/ ފޯޅަވަހި ޗޯރުން
މިއިން ކެޓަގަރީއެއްގައި ނުލައްވާ ސިޔާސީ މީހަކު މަދުވާނެ !