ގޯއްޗާއި ފުލެޓު ލިބުނު މީހުންގެ ލިސްޓް އާއްމުކުރާނީ އަންނަ ހަފްތާގައި!
މި ސަރުކާރުގެ ބޯހިޔާވަހިކަމުގެ މަޝްރޫއުގެ ދަށުން ގޯއްޗާއި ފްލެޓް ލިބުނު މީހުންގެ ލިސްޓު އަންނަ ހަފްތާގައި އާއްމުކުރާނެކަމަށް ހައުސިން މިނިސްޓްރީން ވިދާޅުވެއްޖެއެވެ.
ހައުންސިން މިނިސްޓްރީގެ އޮފިޝަލަކު ވިދާޅުވި ގޮތުގައި، ބޮޑު ޢީދު ބަންދުގެ ކުރިން ސަރުކާރު ހުޅުވާ ފަހު ދުވަހަކީ މިއަދު ނަމަވެސް ލިސްޓް އާންމުކުރާނީ އަންނަ ހަފްތާގައި ކަމަށެވެ.
ިމި ސަރުކާރުން އިއުލާންކުރި 'ބިންވެރިޔާ' އަދި 'ގެދޮރުވެރިޔާ' ސްކީމުގެ ދަށުން މާލެއިން ގޯއްޗާއި ފްލެޓު ލިބޭ މީހުންގެ ލިސްޓު އާއްމު ނުކުރާތީ ގިނަ ބައެއްގެ ކަންބޮޑުވުން އިތުރުވެފައިވާއިރު މިނިސްޓްރީން މީގެ ކުރިން ބުނީ، މާލޭގެ ރައްޔިތުންނަށް ގޯތި ދޫކުރަން ހިންގާ 'ބިންވެރިޔާ' ސްކީމް އާއި މާލެ ސަރަހައްދުން ފްލެޓް ދޭން ހިންގާ 'ގެދޮރުވެރިޔާ' ސްކީމްގެ ދަށުން ގޯއްޗަށާއި ފްލެޓަށް އެދި ކުރިމަތިލުމުގެ މުއްދަތު ހަމަވި އިރު 36،000 އާ ގާތްކުރާ އަދަދަކަށް ފޯމު ހުށަހަޅާފައިވާ ކަމަށެވެ.
މި ހައުސިން ޔުނިޓުތަކުގެ ތެރޭގައި ހިމެނެނީ ދެ ކޮޓަރީގެ 1،200 އެޕާޓުމަންޓާއި ތިން ކޮޓަރީގެ 2،800 އެޕާޓުމަންޓެވެ.
