ރައީސް ޞާލިޙްގެ ހޫނު ރައްދެއް ޤާސިމަށް: ކިތަންމެ ކޯފާ ވިޔަސް، ވެރިކަން ކުރާނީ ގާނޫނީ އިމުގެ ތެރެއިން
ކިތަންމެ ކޯފާވިޔަސް ވެރިކަން ކުރައްވާނީ ޤާނޫނީ އިމުގެ ތެރެއިން ކަމަށް ވިދާޅުވެ، ރައީސް އިބްރާހިމް މުހައްމަދު ޞާލިޙް، ޖުމްހޫރީ ޕާޓީގެ ލީޑަރު ޤާސިމް އިބްރާހިމަށް ރައްދު ދެއްވައިފިއެވެ.
ރައީސް ޞާލިޙް ވިދާޅުވީ ކިތަންމެ ގާތް މީހެއް ކަމުގައި ވިޔަސް ކުރިއަށް އޮތް ތަނުގައި ވެސް މަސައްކަތް ކުރާނީ ގާނޫނީ އިމުގެ ތެރެއިން ކަމަށެވެ. އަދި ނުފޫޒު ފޯރުވުމަކީ މިހާތަނަށް ކުރެއްވި ކަމެއް ނޫން ކަމަށާއި އެއްވެސް ހާލަތެއްގައި އެކަން ނުކުރައްވާނެ ކަމަށް ރައީސް ޞާލިޙް ވިދާޅުވިއެވެ.
“ގާނޫނީ އިމުން ބޭރަކަށް ނުދާނަން، ކޮންމެ ބޭފުޅަކު ކިތަންމެ ކޯފާ ވިޔަސް އެއީ އެ ބޭފުޅެއްގެ ކަމެއް. އަޅުގަނޑެއް ހަމަ ގައިމު ވެސް ގާނޫނު އަސާސީން ބޭރަކަށް ނުދާނަން” ރައީސް ޞާލިޙް ވިދާޅުވިއެވެ.
ރައީސް ޞާލިޙް މިފަދައިން ވިދާޅުވީ އިއްޔެ ބޭއްވި ޖޭޕީގެ ކައުންސިލް ބައްދަލުވުމުގައި ގާސިމް ދެއްކެވި ވާހަކަފުޅާއި ގުޅިގެންނެވެ. ގާސިމް ވަނީ ވިލާ ކުންފުންޏަށް ދީފައި އޮތް ކ. ވާވެއްދި ފަޅު ވިއްކުން އެންޓި ކޮރަޕްޝަން ކޮމިޝަން (އޭސީސީ)އިން އެދިގެން ހުއްޓުވާފައިވާ މައްސަލައާއި ގުޅިގެން ރައީސް ޞާލިޙަށް އަމާޒުކޮށް ބޮޑެތި ތުހުމަތުތަކެއް ކޮށްފައެވެ.
މީނަ އާއި މީނަގެ ވިޔަފާރިއާއި ބަލަހައްޓަން ޖެހެނީ ސަރުކާރުން ހެއްޔެވެ؟ މީނަގެ ދަރަނިތައް ދައްކަން ދައުލަތުގެ ފަޅުތައް ވިއްކުވާ، ނުވިތާކަށް ފައިސާދޭން ސަރުކާރަށް ޖެހޭނެ ހެއްޔެވެ؟ ސަރުކާރަށް ދަރާއޮވެ، މީނަގެ މުވައްޒިފުންނަށް މުސާރަދިނުމަކީ ސަރުކާރުން ބަލަންޖެހޭ ކަމެއް ހެއްޔެވެ؟ މިވަރުގެ ހާލުގައި ހުރިމީހަކަށް ގައުމުގެ ތިޖޫރީ ލިބިއްޖިއްޔާ ވާނެގޮތް އެބް އިނގެއެވެ. މިގައުމު މީނަގެ ކިބައިން ސަލާމަތް ކޮއްދެއްވާށިއެވެެ. އާމީން
ގާސިމު އަބަދުވެސް އުޅޭނީ އޭނަގެ އަންބޮޑި ބޮޑުކުރަން އެކަންނުވެއްޑެޖެނަމަ އެމީހަކާ ހަސަދަވެރިވާނެ
އެހެން ޕާޓީ ތަކަށް ވެރިކަން ދިނީމާ ވިއްކާނީ ގައުމުގެ ޢެކިތަންތަން ވަކިންނެވެ. ޖުމްހޫރީ ޕާޓީއަށް ވެރިކަން ދިނީމާ މުޅި ދައުލަތް އެއްކޮށް އެއް ވިޔަފާރިވެރިއަކަށް ގައުމުގެ ހުރިހާ އެއްޗެއް ވިއްކާލެވުނީއެވެ. މުޅި ގައުމުގައި ވިލާ ބޯރޑް އެޅުވުނީއެވެ. މޯލްޑިވްސްގެ ބަދަލުގައި ވިލާ އެމްޓީސީސީ، ވިލާ އެްމްޑަބްލީޔޫއެސްސީ، ވިލާ ސިޕިންގ، ވިލާ އެސްޓީއޯ އަށްވެ ނިމުނީއެވެ. ތިބޭނީ ހުސް ވިލާ މުވައްޒިފުންނެވެ. މިގައުމު ސަލާމަތް ކުރައްވާށިއެވެ.