މަޖިލީހަށް ސިފައިން ވެއްދުމާއި ނުވެއްދުމަކީ ރައީސުލްޖުމްހޫރިއްޔާއާއި ބެހުމެއް އޮންނަ ކަމެއް ނޫން: ރައީސް ނަޝީދު
މަޖިލިސްއަށް ސިފައިން ވެއްދުމާއި ނުވެއްދުމަކީ ރައީސުލްޖުމްހޫރިއްޔާއާއި ބެހުމެއް އޮންނަ ކަމެއް ނޫންކަމަށް ކުރީގެ ރައީސް، ރައީސް ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވެފައިވަނީ، ރައީސް އިބްރާޙިމް މުޙައްމަދު ޞާލިޙް އެމަނިކުފިކުފާނުގެ ކެމްޕޭން ފެއްޓެވުމަށް އިއްޔެ ށ އަތޮޅަށް ވަޑައިގެން އެ އަތޮޅު ފޯކައިދޫގައި ބޭއްވި ޖަލްސާއެއްގައި ދެއްކެވި ވާހަކަފުޅަކާ ގުޅުވައިގެންނެވެ. އެގޮތުން ރައީސް ނަޝީދު ކޮންމެ ގޮތަކަށް ކަން ކުރެއްވިޔަސް، އެކަން ހުއްޓުވަން ރައްޔިތުންގެ މަޖިލީހަށް ސިފައިން ނުފޮނުވާނެ ކަމަށް ރައީސް ޞާލިޙު ވަނީ ވިދާޅުވެފައެވެ.
ރައީސް ޞާލިޙުގެ ވާހާކަފުޅާ ގުޅުވައިގެން ރައީސް ނަޝީދު ވިދާޅުވީ މަޖިލީހަށް ސިފައިން ވެއްދުމާއި ނުވެއްދުމަކީ މަޖިލީހުގެ ރައީސްގެ އިޚްތިޔާރުގައި އޮންނަކަމެއް ކަމަށާއި، އެއީ ރައީސުލްޖުމްހޫރިއްޔާއާއި ބެހުމެއް އޮންނަ ކަމެއް ނޫންކަމަށެވެ.
ށ. ފޯކައިދޫގައި ރޭގައި ބޭއްވި ޖަލްސާގައި ރައީސް ޞާލިޙް ވިދާޅުވީ މިހާރު ސިޔާސީ ލީޑަރުންނަށް މިނިވަންކަމާއެކީ ހަރަކާތްތެރިވެ އުޅެވޭކަމަށާއި، ރައްޔިތުންގެ މަޖިލީހާއި އެ މަޖިލީހުގެ ރައީސްވެސް ބޭނުންފުޅު ގޮތަކަށް ހިންގަވަމުން ގެންދަވާކަމަށާއި އެކަމަކު ސިފައިން ވަދެ އެކަންކަން ނުހުއްޓުވާކަމަށެވެ.
އެމްޑީޕީން ތުހުމަތުކުރާ ގޮތުގައި މަޖިލީހުގެ ޖަލްސާތައް ހުއްޓާލާފައިވަނީ ސީދާ ރައީސް ނަޝީދު އަންގަވައިގެންނެވެ. އެއީ މަޖިލީހަށް ހުށަހަޅާފައިވާ އޮތް ނަޝީދާއި މަޖިލީހުގެ ނައިބު ރައީސް އީވާގެ އިތުބާރު ނެތްކަމުގެ މައްސަލަ ކުރިއަށް ގެންދިއުމަށް ހުރަސް އެޅުމަށް ކަމަށް ވެސް ތުހުމަތު ކުރެއެވެ.
ކަލޭ އަމިއްލައައް އެވާހަކަ ދެއްކީ ކުރިން ޔާމީން މީހުން މަޖިލީހައް ވެއްދި ވާހަކަ މިހާރު ކަލެއައް އެވަރެއް ނެއް ވެރި ކަމާ ހެދި ހޭބަލި ވީނުން ގޮސް
ނަސީދު ތިޔަ ހުރީ ވަރަށް ބޮޑު އޮޅުމެއްގަ ގާނޫނުއަސަސީގެ 105 ވަނަ މާއްދާއާއި ހިލާފަށް ގަވާއިދު ހަދައިގެން މަޖިލީހުގެ ކަންކަން ކުރަނީ . ރައިށް އެއީ ސިފައިންގެ އންމެ މަތީވެރިޔާ ގާނޫނުއަސަސީގެ 105 ބުނާގޮތުން މަޖިލީހާއި މަޖިލީހުގެ ތަޅުމާއި މެމްބަރުންގެ ސެކިއުރިޓީ ބަލަހައްޓަންވާނީ ގައުމީ ސަލާމަތީ ބާރުން، ވީއިރު ރައީސް ބޭނުންވާ ކޮންމެ ވަގުތަކު ސިފައިންނަށް މަޖިލީހަށް ވަދެވޭނެ،