މިނިވަން ދުވަހު އައްޑޫގައި ވެސް ހަވާ އަރުވަނީ

މި އަހަރުގެ މިނިވަން ދުވަސް ފާހަގަކުރުމުގެ ގޮތުން، ހދ.ކުޅުދުއްފުށީގެ އިތުރުން، އައްޑޫ ސިޓީގައި ވެސް ހަވާ އަރުވަން ނިންމައިފިއެވެ.

Ads by STELCO

ހޯމް މިނިސްޓްރީން ވިދާޅުވީ، މިނިވަން ދުވަސް ކުލަގަދަކޮށް ފާހަގަކުރަން ބޭނުންވާ ސަރަހައްދުތަކަށް ހުޅުވައިލުމުން ރާއްޖޭގެ ދެ ސިޓީއަކުންނާއި ނުވަ ރަށު ކައުންސިލަކުން ޕްރޮޕޯސަލް ހުށަހަޅާފައިވާ ކަމަށާއި، އައްޑު އާއި ކުޅުދުއްފުށީގައި ތަފާތު ގިނަ ކުޅިވަރު ހަރަކާތްތައް ބޭއްވުމަށް ހުށަހަޅައިފައިވާ ކަމަށެވެ.

ހޯމް މިނިސްޓްރީން ވިދާޅުވި ގޮތުގައި، މިނިވަން ދުވަހުގެ ހަރަކާތްތަކުގެ ތެރެއިން ދެ ސިޓީގައި ވެސް ހަވާ އަރުވަން މިހާރު ވަނީ ހަމަޖެހިފައެވެ.

އައްޑޫގައި ކުލަގަދަކޮށް މިނިވަން ދުވަސް ފާހަގަކުރަން ކައުންސިލުން މިހާރު އަންނަނީ ތައްޔާރީތައްވަމުންނެވެ.