ކުރީގެ މެމްބަރު އިސްމާއިލް ޒަކަރިއްޔާ ކޮވިޑް ޖެހިގެން ހާލު ދެރަވެ، ވެންޓިލޭޓަރުގައި

ރައްޔިތުންގެ މަޖިލީހުގެ ރ. އަތޮޅުގެ މެމްބަރު ކަން ކުރިން ކުރެއްވި އިސްމާއީލް ޒަކަރިއްޔާ ކޮވިޑް ޖެހިގެން ހާލު ބޮޑުވެ، ވެންޓިލޭޓަރުގައި ފަރުވާދޭން ފަށައިފިއެވެ.

Ads by STELCO

އުމުރުން 79 އަހަރުގެ އިސްމާއިލް ޒަކަރިއްޔާއަށް ކޮވިޑަށް ފައްސިވީ މިމަހުގެ 13 ވަނަ ދުވަހުއެވެ.  އޭރު ފަރުވާ ދެމުން ދިޔައީ ހުޅުމާލެ މެޑިކަލް ފެސިލިޓީގައި އައިސީޔޫގައި ބާއްވައިގެންނެވެ.

ޒަކަރިއްޔާ ވަނީ 1990 ގެ އަަހަރުތަކުގައި ދެ ފަހަރެއްގެ މަތިން މަޖިލީހުގެ ރ. އަތޮޅު މެމްބަރުކަން ކުރައްވާފައެވެ.

ދައުލަތަށް ގިނަ ދުވަސްތަކެއް ވަން ދެން ހިދުމަތް ކުރެއްވި އިސްމާއީލް ޒަކަރިއްޔާ އެންމެ ފަހުން މަސައްކަތް ކުރެއްވީ ޔޫތު މިނިސްޓްރީގައެވެ.