ފޯމުލައިގެން ރީ-ރަޖިސްޓަރ ވުމަށް ދިން ވަގުތު މިއަދު ހަމަވާނެ

މި އަހަރުގެ ރިޔާސީ އިންތިޚާބުގައި ވޯޓުލުމަށް ރީ-ރަޖިސްޓަރ ކުރުމަށް ހުޅުވައިލި މުއްދަތު މިއަދު ހަމަވާނެއެވެ.

Ads by MWSC

އެހެންކަމުން، ވީހައިވެސް ގިނަ ބަޔަކު ރީ-ރަޖިސްޓްރީވުމަށް އިލެކްޝަންސް ކޮމިޝަން(އީީސީ)އިން ވަނީ އެދިވަޑައިގަންނަވައިފައެވެ.

ރަށްވެހިވެފައި ނޫން އެހެން ތަނެއްގައި ވޯޓު ލުމަށް ރީރަޖިސްޓްރީ ކުރުމަށް ދީފައިވާ ފުރުސަތު މިއަދު ހަވީރު 16:00 ގައި ހަމަވާނެއެވެ.

އަންނަ މަހުގެ ނުވަވަނަ ދުވަހު ބާއްވާ އިންތިޚާބަށް މިހާރު ރީ-ރަޖިސްޓްރީ ކުރެވޭނީ ފޯމު މެދުވެރިކޮށެވެ.

އޮންލައިންކޮށް ރީ-ރަޖިސްޓްރީވުމުގެ ފުރުސަތު މިދިޔަ ބުދަ ދުވަހު ވަނީ ހަމަވެފައެވެ. ރީ-ރަޖިސްޓްރީ ކުރެވޭނީ ފޯމް، އިލެކްޝަންސް ކޮމިޝަނަށް ނޫނީ ފޯކަލް ޕޮއިންޓަކަށް ހުށަހަޅައިގެންނެވެ.

ރީ-ރަޖިސްޓަރީ ވާން ހުޅުވާލިޔަސް، މާލޭގައި ވޯޓުލުމަށް މީގެ ކުރިން ރަޖިސްޓަރީ ވެފައިވާ މީހުން އަލުން ރަޖިސްޓަރީ ކުރަން ނުޖެހޭނެއެވެ.