ރައީސް ޞާލިޙްގެ ވައުދެއް: އަންނަ ދައުރުގެ ތެރޭގައި ކޮނޑޭގައި ހައުސިން ޔުނިޓް އަޅައިދޭނަން

ގއ. ކޮނޑޭއަށް ދިމާވެފައިވާ ބޯހިޔާވިކަމުގެ މައްސަލަ ހައްލު ކުރުމަށް އަންނަ ދައުރުގެ ތެރޭގައި އެރަށުގައި ހައުސިން ޔުނިޓްތަކެއް އިމާރާތް ކޮށްދެއްވާނެ ކަމަށް ރައީސް އިބްރާހިމް މުހައްމަދު ޞާލިޙް ވިދާޅުވެއްޖެއެވެ.

Ads by MWSC

ރިޔާސީ ކެމްޕޭނަށް ހުވަދު އަތޮޅަށް ރައީސް ކުރައްވަމުން ގެންދަވާ ދަތުރުފުޅުގެ ތެރެއިން ކޮނޑޭއަށް މިއަދު ވަޑައިގެން އެރަށުގެ ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައި ވިދާޅުވީ ބޯހިޔާވަހިކަމުގެ މައްސަލަ ހައްލު ކުރުމަށް ހައުސިން ޔުނިޓް އަޅައިދޭނެ ކަމަށެވެ.

“ކޮނޑޭގެ ޒުވާނުން އެންމެ ބޮޑަށް ބޭނުންވެފައި އޮތް ފުޓްބޯޅަ ދަނޑު ކުރިއަށް އޮތް ދައުރު ތެރޭގައި އަޅައި ދޭނަން” ރައީސް ޞާލިޙް ވިދާޅުވިއެވެ.

މި ދަތުރުފުޅުގައި ރައީސް ޞާލިޙް ވަނީ ކޮނޑޭ ކައުންސިލްގެ އައު ޢިމާރާތާއި، ފެނަކަ އައު އިންޖީނުގެއާ އޮފީސް ޢިމާރާތް ހުޅުއްވައިދެއްވައިފައެވެ.

އަތޮޅުތަކުގެ ރަށްރަށުގައި އަސާސީ ޚިދުމަތްތައް ޤާއިމްކޮށް، ރައްޔިތުންގެ ދިރިއުޅުމުގެ ފެންވަރު މަތިކުރުމަށްޓަކައި، ސަރުކާރުން ވަނީ، އަތޮޅުތަކުގެ ރަށްރަށުގައި ޢުމުރާނީ ތަރައްޤީގެ ވަރަށް ގިނަ މަޝްރޫޢުތައް ހިންގާފައެވެ.