ސަރުކާރަށް ކުރާ ވައްކަމުގެ ތުހުމަތުތަކަށް ނަޝީދު ރައްދު ދެއްވައި، ސަރުކާރު ދިފާއު ކޮށްފި
މިސަރުކާރުގައި ވައްކަމުގެ ތުހުމަތުތައް ގިނަ ކަމަށް ބުނާތީ ރައްޔިތުން މަޖިލީހުގެ ރައީސް މުހައްމަދު ނަޝީދު އެކަމަށް ރައްދު ދެއްވައި، ސަރުކާރު ދިފާއު ކުރައްވައިފިއެވެ.
ނަޝީދު މިއަދު ކުރެއްވި ޓްވީޓެއްގައި ވިދާޅުވީ އެމްޑީޕީގެ ވާދަވެރި ޕާޓީތަކުން މި ސަރުކާރުގައި ވައްކަމުގެ ތުހުމަތު ގިނަ ކަމަށް ބުނާއިރު، ސަރުކާރުން އެގެންދަނީ އެމްޑީޕީގެ މެޖޯރިޓީ އޮންނަ މަޖިލިސް އަށް ޖާގަ ދެއްވާ ކަންކަން ފާހަގަކޮށް އިސްލާހު ކުރައްވަމުންކަން ރައްޔިތުންނަށް ސާފުވާނެ ކަމަށެވެ.
"ރައީސް ޔާމީން ސަރުކާރުގައި މަޖިލިސްއަށް ވެއްދީ އެމްއެންޑީއެފް." ނަޝީދު ވިދާޅުވިއެވެ.
ސަރުކާރަށް ވައްކަމުގެ ތުހުމަތުތައް ކުރަން ފަށާފައި މިވަނީ ކޮވިޑް-19އާ ގުޅިގެން ޓޫރިޒަމް މިނިސްޓްރީ އާއި ހެލްތު މިނިސްޓްރީން ކޮށްފައިވާ ހަރަދުތަކާ ގުޅޭގޮތުން އޮޑިޓަ ޖެނެރަލް އޮފީހުން އާންމުކުރި ރިޕޯޓުތަކުގައި ކޮރަޕްޝަނަށް މަގުފަހިވާ ގޮތަށް ކޮށްފައިވާ ގިނަ ކަންތައްތަކެއް ފާހަގަކޮށްފައިވާތީއެވެ.
