ރައީސް ޞާލިޙް މިއަދު ބ. އަތޮޅާއި ރ. އަތޮޅަށް ވަޑައިގަންނަވަނީ
އެމްޑީޕީގެ ރިޔާސީ ކެންޑިޑޭޓް، ރައީސް އިބްރާހިމް މުހައްމަދު ޞާލިޙް ކެމްޕޭން ދަތުރުފުޅުގައި މިއަދު ބ. އަތޮޅާއި ރ. އަތޮޅުގެ ރަށްތަކަށް ވަޑައިގަތުމަށް ހަމަޖެހިއްޖެއެވެ.
މިދަތުރުފުޅުތަކުގައި ރައީސް ޞާލިހު ކުރިއަށް އޮތް ފަސް އަހަރަށް ވެވަޑައިގަންނަވާ ވައުދުތަކާއި މުހިންމު ކަންކަން ރައްޔިތުންނާއި ހިއްސާ ކުރައްވާނެއެވެ.
ރައީސް އެންމެ ފަހުން ވަޑައިގެންނެވީ އއ. އަތޮޅަށެވެ. އަދި މިދިޔަ ހަފްތާގައި އދ. އަތޮޅަށް ވަޑައިގަންނަވާ ގޮތަށް ހަމަޖެހިފައި އޮއްވާ ރައީސް އާލާސްކަންފުޅާ އުޅުއްވާތީ ކެމްޕޭން ދަތުރުފުޅު ކުރުކޮށްލެއްވުމަށްފަހު ވަނީ އެނބުރި މާލެ ވަޑައިގެންފައެވެ.
އޭގެ ފަހުން އޭގެ ފަހުން މާލޭގައި ބޭއްވި އެމްޑީޕީ އަންހެނުންގެ ރޫހުގެ ސަޔެއްގައި ރައީސް ޞާލިޙް ވަނީ ބައިވެރިވެފައެވެ.
ރިޔާސީ އިންތިހާބު ބޭއްވެވުމަށް ނިންމަވާފައިވަނީ ސެޕްޓެމްބަރު 9 ވަނަ ދުވަހުއެވެ. އަދި އިންތިހާބުގެ 2 ވަނަ ބުރެއް ބާއްވަން ޖެހިއްޖެނަމަ ބޭއްވުމަށް ނިންމާފައިވަނީ ސެޕްޓެމްބަރު 30 ގައެވެ
