ރައީސް ޞާލިޙްގެ ވައުދެއް: ރޯދަ މަހުގެ ފަހު 10 ގައި ގޭގައި މަސައްކަތް ކުރާ ގޮތަށް ހަމަޖައްސާނަން

ސިވިލް ސާވިސް މުވައްޒަފުންނަށް ރޯދަ މަހުގެ ފަހު 10 ދުވަހު ގޭގައި މަސައްކަތް ކުރެވޭނެ އިންތިޒާމު ހަމަޖައްސަން އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހުގެ މެނިފެސްޓޯގައި ހިމަނައިފިއެވެ.

Ads by MWSC

ރައީސް ޞާލިޙްގެ "ހެޔޮވެރިކަން" ސިޔާސަތުގެ ދަށުން ކޮށްދޭނެ ކަންތައްތައް މިރޭ ވަނީ އިއުލާންކޮށްފައެވެ.

އެ ސިޔާސަތުގެ "ދައުލަތް ހިންގުމާއި ޖަވާބުދާރީ ކުރުވަނިވި ނިޒާމު ހަރުދަނާކުރުން" ބައިގައި ބުނެފައިވަނީ ރޯދަ މަހުގެ ފަހު 10 އަކީ ގިނަ ބަޔަކު ރޭ އަޅުކަމުގައި މަސްއޫލުވެގެން އުޅޭ ދުވަސްވަރު ކަމުން މުވައްޒަފުންނަށް ލުއި ފަސޭހަކޮށްދިނުމަށް ފަހު 10 ގައި "ވޯކް ފްރޮމް ހޯމް" ނުވަތަ ގޭގައި މަސައްކަތްކުރާނެ ގޮތް ތައާރަފްކޮށް، އެކަން ކަނޑައަޅާނެ ކަމަށެވެ.

މީގެ އިތުރުން އާންމު އުސޫލުން މަސައްކަތަށް ހާޒިރުވުމަކާނުލާ ފްލެކްސިބަލް އަދި ރިމޯޓް ވޯކިންގެ އުސޫލުން ދައުލަތުގެ އިދާރާތަކުގައި މަސައްކަތް ކުރެވޭނޭ ގޮތް ހަމަޖައްސައިދިނުމަށް ކަމާބެހޭ ގާނޫނުތަކަށް އިސްލާހު ގެންނާނެ ކަމަށް ވެސް މެނިފެސްޓޯގައި ބުނެފައިވެއެވެ.