ފޮއްދޫ ކައުންސިލް މެމްބަރު ޝިފާނާ ޕީޕީއެމަށް

ނ.ފޮއްދޫ ކައުންސިލުގެ އަންހެން މެމްބަރު ޝިފާނާ އީސާ ޕީޕީއެމްއާއި ގުޅިވަޑައިގެންފިއެވެ.

Ads by Hajj Corporation

އޭނާގެ ފޯމު ހަވާލު ކުރެއްވީ އިދިކޮޅު ޕީޕީއެމް-ޕީއެންސީގެ ރިޔާސީ ކެމްޕޭންގެ ތެރެއިން، މިރޭ ނ.ވެލިދޫގައި ބޭއްވި ޖަލްސާގައެވެ.

ޝިފާނާގެ ފޯމާއި ހަވާލުވެވަޑައިގެންނެވީ ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުއާއި، ޕީއެންސީގެ ރައީސް އަބްދުއްރަހީމެވެ.

ޝިފާނާ އިދިކޮޅު އެންމެ ބޮޑު ޕާޓީ، ޕީޕީއެމަށް ސޮއި ކުރެއްވުމާއި ގުޅިގެން އެ ޕާޓީން ވަނީ އޭނާއަށް މަރުހަބާ ދަންނަވާފައެވެ.

މުއިއްޒު ނ.އަތޮޅުގެ ރަށްތަކަށް ކުރައްވަމުން ގެންދަވާ ކެމްޕެއިން ދަތުރުފުޅަށް އެކި ރަށްރަށުން ހޫނު ތަރުހީބެއް އަންނަނީ ލިބެމުންނެވެ.