މުއިއްޒު އަކީ ޤައުމު ތަރައްޤީ ކުރައްވާނެ ބޭފުޅެއް, އެމަނިކުފާނު ވެގެން ދާނީ ދިވެހިރާއްޖޭގެ އުރުދުޣާން އަށް: ޑރ. ޝަހީމް
އިދިކޮޅު ރިޔާސީ ކެންޑިޑޭޓު ޑރ.މުޙައްމަދު މުޢިއްޒު އަކީ ޤައުމު ތަރައްޤީ ކުރައްވާނެ ބޭފުޅެއް ކަމަށާއި އެމަނިކުފާނު ވެގެން ދާނީ ދިވެހިރާއްޖޭގެ އުރުދުޣާން އަށް ކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ރޭ ވިދާޅުވެއްޖެއެވެ.
ރިޔާސީ އިންތިހާބުގެ ކެންޕެއިނަށް ފުވައްމުލަކަށް ވަޑައިގެން ބޭއްވި ޖަލްސާގައި ވާހަކަފުޅުދައްކަވަމުން ޝަހީމް ވިދާޅުވީ ދިވެހީންނަށް ދިމާވެފައިވާ ގިނަ މައްސަލަތަކަށް ހައްލު ހޯއްދަވައިދެއްވާނެ ބޭފުޅަކު ވެރިކަމަށް ގެންނަން ޖެހޭ ކަމަށެެވެ. އަދި މުއިއްޒުގެ ކެބިނެޓް ވެގެންދާނީ ރައީސް ޔާމީން ފަދަ ޢިލްމީ ޤާބިލް މީހުންގެ މައްޗަށް އެކުލެވިގެންވާ ކެބިނެޓަކަށް ކަމަށް ޝަހީމް ވިދާޅުވިއެވެ.
"އިތުރު ވިސްނުމަކަށް ދާނެ ޖެހޭ ކަމެއް ނޫން މީކީ. މުއިއްޒުއަށް ތިޔަ ބޭފުޅުން ވޯޓު ދެއްވާ. އެމަނިކުފާނު ވެގެން ދާނީ ދިވެހިރާއްޖޭގެ އުރުދުޣާން އަށް" ޝަހީމް ވިދާޅުވިއެވެ.
ޝަހީމް ވިދާޅުވީ ރާއްޖޭގެ ހުންގާނު ހަވާލު ކުރަން ޖެހެނީ، ގާބިލު ކެރޭ ބޭފުޅަކަށް ކަމަށެވެ. ޕީއެޗްޑީ ހާސިލު ކުރައްވައި، މޮޅަށް ކިޔަވާ ވިދާޅުވެ ހުންނެވި ބޭފުޅެއް ރިޔާސީ ރޭހަަށް ނިކުންނެވުމުން ދެން އިތުރު ވިސްނުމަކަށް ދާން ޖެހޭތޯ ޝަހީމް ސުވާލު އުފެއްދެވިއެވެ.
ޓެސްޓްކޮށް ފައިލްވެފައިވާ ޕްރޮޑަކްޓެއް. ކަމަކުނުދޭ.
ލޮލަށް ފެންނަ މަންޒަރު ސިކުނޑިއަށް ނަގައިގަތުމުގެ ގާބިލުކަން ނެތުމަކީ ޕީ އެޗް ޑީ އޮތަސް ވެދާނެ ގޮތެއް. ކޮންމެ ޕީ އެޗް ޑީ އަކީ ވަކި ދާއިރާއެއް. ބާކީ ވަރަށް ގިނަދާއަރާ އާއި ކަންތައްތައްހުރޭ ތިމާގެ ވަށައިގެން އަބަދު ހިނގަހިނގާހުންނަ…