ރައީީސްގެ ސުވާލު: ވަޢުދުވެފައި ފުއްދީ ކޮންބައެއް؟
ވައުދު ވެފައި ވައުދު ފުއްދީ ކޮން ބައެއްތޯ ރައީީސް އިބްރާހީމް މުޙައްމަދު ޞާލިޙު ސުވާލު ކުރައްވައިފިއެވެ.
ރައީސް ޞާލިޙުގެ ރިޔާސީ ކެމްޕެއިނުގައި މިއަދު ތ.ދިޔަމިގިއްޔަށް ވަޑައިގެން އެ ރަށުގެ ސަޕޯޓަރުންނާއި ބައްދަލުކުރައްވައި، މިހައިތަނަށް ވެސް ރައްޔިތުންނަށް ކަމެއް ކޮށްދިނީ ކޮންބައެއްތޯ ރައީީސް އެއްސެވިއެވެ.
"މިއީ ތި ބޭފުޅުން ވިސްނާވަޑައިގަންނަވަން ޖެހޭ ކަމެއް، ހަމަ ގައިމުވެސް، 2013އިން، އަދި އޭގެ ކުރިއަށް ތިބޭފުޅުން ބެއްލެވިނަމަވެސް، 2018އާއި ހަމައަށް އެދޭތެރޭގައި ސަރުކާރުތަކުންވީ ވައުދުތަކާއި ފުއްދުނު މިންވަރާއި، 2018އާ ހަމައިން މިހާރު އޮތް ސަރުކާރުން ވީ ވައުދުތަކާއި، މަސައްކަތް ކޮށްފައި އޮތްގޮތް ތި ބޭފުޅުން ވަރަށް ގާތުން ބައްލަވައިފައިވާނެ." ރައީސް ޞާލިޙު ވިދާޅުވިއެވެ.
ރައީސް ޞާލިޙު އިތުރަށް ވިދާޅުވީ، އެމަނިކުފާނުގެ ވެރިކަމުގައި މިއިން ދުވަހަކު ހިންގައިފައިނުވާ މިންވަރަށް ރާއްޖޭގައި ތަރައްޤީގެ މަޝްރޫޢުތައް ހިންގައިފައިވާނެކަމީ ޔަޤީން ކަމެއް ކަމަށެވެ. އަދި ވިދާޅުވީ މި އަހަރުގެ ރިޔާސީ އިންތިޚާބުގައި ބައިވެރިވެވަޑައިގަންނަވާ އެހެން ކެންޑިޑޭޓުންގެ ތެރޭގައި ޤައުމަށް ހެޔޮއެދިގެން އުޅުއްވާ ބޭފުޅެއް ނެތް ކަމަށެވެ.
ކަނޑު އަޑިން ގޯތި ދިނީމަ ތިފުދުނީ ވައުދެއް
ރައީސް ހިތްވަރުގަދަ ޔާމީން .ކުޑަކުދިންކާރީދައްކާކަހަލަ.ވާހަކަ މެޓާދީފަ އެއްމެރަގަޅީކޮންބޭބެއެއްހޭ.އަހާއުސޫލު