އެއްފަހަރު ވެސް އަޅުގަނޑަށް ވޯޓު ދިނިއްޔާ ވާނީ ކީއް؟: ޤާސިމް
އެމްޑީޕީއާއި ޕީޕީއެމްގެ ސަޕޯޓަރުން، އެންމެ ފަހަރަކުވެސް ޖޭޕީގެ ރިޔާސީ ކެންޑިޑޭޓް، ޤާސިމް އިބްރާހީމަށް ވޯޓު ދިނިއްޔާ ވާނީ ކީއްތޯ އޭނާ ސުވާލު ކުރައްވައިފިއެވެ.
ގާސިމްގެ ރިޔާސީ ކެމްޕެއިނުގައި އ.އ ބޮޑުފުޅުދުއަށް ވަޑައިގެން ސަޕޯޓަރުންނާއި ބައްދަލުކުރައްވައި ވާހަކަ ދައްކަވަމުން ޤާސިމް ވިދާޅުވީ، އެމްޑީޕީއަށް ދެފަހަރު އަދި ޕީޕީއެމަށް އެއްފަހަރު ވެރިކަން ލިބުނުއިރު، ރައްޔިތުން އެދޭ ކަންކަން ފުއްދައިދެވިފައެއް ނެތް ކަމަށެވެ.
"އަޅުގަނޑަށްވުރެ ޤާބިލު ކެންޑިޑޭޓެއް، ތި ބޭފުޅުން ދައްކަވާ." އޭނާ ވިދާޅުވިއެވެ.
ޤާސިމް ވިދާޅުވީ ރައްޔިތުން ކޮންމެ ގޮތަކަށް ވޯޓު ލިޔަސް، ސަރުކާރަކުން ކޮށްދޭން ޖެހޭ ކަމެއް ކޮށްދޭން ޖެހޭނެ ކަމަށާއި، އެއީ ހެޔޮވެގެން ކޮށްދޭ ކަންކަމެއް ނޫން ކަމުގައެވެ.
ރައްޔިތުންގެ ފައިސާއަށް އޭނާ ހިޔާާނާތްތެރިވެވަޑައިނުގަންނަވާނެ ކަމަށާއި، އަންބެއް ނުވަތަ ދަރިއަކު އެފަދަ ކަމެއް ކުރިޔަސް، ޙައްޤު އަދަބު ދެއްވާނެ ކަމަށް ވެސް ޤާސިމް ވިދާޅުވިއެވެ.
ރައްޔިތުން ހުރިހައި ގޮތަކުން ބެލިޔަސް، އޭނާއަށް ޤާބިލު ކެންޑިޑޭޓެއް މި އަހަރުގެ ރިޔާސީ އިންތިޚާބުގައި ވާދަ ނުކުރައްވާކަން އެނގިގެންދާނެ ކަމަށް ވެސް ޤާސިމް ވަނީ ވިދާޅުވެފައެވެ.
އަންނަ މަހުގެ 9 ވަނަ ދުވަހު ބާއްވާ ރިޔާސީ އިންތިޚާބުގައި އަށް ކެންޑިޑޭޓުން ވާދަ ކުރައްވައެވެ. ތިން ވަނަ ފަހަރަށް ރިޔާސީ އިންތިޚާބުގައި ވާދަ ކުރައްވާ، ޤާސިމްގެ ރަނިންމޭޓަކީ، އަމީން އިބްރާހީމެވެ.
ޕޕމއިން ވޯޓުދޭގޮތަކަންނޫ.ގާސިމުގެ އަމަލުތަންހުރީ.ޔާމީނުއާ.އަދި.ޕޕމ އަށް
މިހާރު ކިތއްފަހަރު ކުރިމަތިލައިފިން . ތިމާގެ ފެންވަރުނެތްކަމާއި ތިމަ އެކަމަށް ތަސައްރަފް ނުފުދޭކަންދެނެ ޖޭޕީން ތިމާނުނިކުމެ އިލްމީގާބިލް މީހަކު ނެރުނު ނަމަ ވޯޓްދޭނެ މީހުންވާނެ. މާމިގިލީ ބުރުމާ ގާސިމް ވީމަ ވޯޓްދޭން ބޭނުންނުވާ ގިނަބަޔަކު ރާއްޖޭގަ އަދިވެސް އެބައުޅޭ.