ރައީސް ޞާލިހަށް ދެވަނަ ދައުރެއް ދިނުމަކީ ނުރައްކަލެއް, މަރުވަންދެން ވެރިކަމުގައި ހުރެދާނެ: ރައީސް ނަޝީދު
މިހާރުގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް ދެވަނަ ދައުރެއް ދިނުމަކީ ނުރައްކަލެއް ކަމަށާއި އެގޮތަށް ކަންތައް ވެއްޖެނަމަ މުޅި އުމުރު ދުވަހު ވެރިކަމުގައި ހުންނަވަން ބޭނުންފުޅު ވެދާނެ ކަމަށް ރަައްޔިތުންގެ މަޖިލީހުގެ ރައީސް, ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ, އެމަނިކުފާނުގެ ޕާޓީ, ދަ ޑިމޮކްރެޓްގެ ކެނޑިޑޭޓް އިލްޔާސް ލަބީބްގެ ކެންޕެއިން އިވެންޓެއްގައި ދެއްކެވި ވާހަކަފުޅުގައެވެ.
"ރައީސް ޞާލިޙްގެ އިތުރު ފަސް އަހަރު އެއްގޮތަކަށް ވެސް ދިނުމަކީ ބުއްދިވެރިކަމެއް ނޫން. އެއީ ބޮޑު ނުރައްކަލެއް" ރައީސް ނަޝީދު ވިދާޅުވިއެވެ.
"މިއަދު އަޅުގަނޑުމެން ވެރިކަން ބަދަލު ނުކޮށްފިނަމަ, އަޅުގަނޑުމެންގެ ކަންބޮޑުވުމެއް އެއީ ތާއަބަދަށް ރައީސް އިބްރާހީމް މުޙައްމަދު ޞާލިޙް ވެރިކަމުގައި ހުންނަވަން ނިންމަވާ, ޤާނޫނު އަސާސީއަށް ބަދަލު ގެނައުމަށް ނިންމަވާ, މަރުވުމަށް ދާންދެން ވެރިކަމުގައި ހުންނެވުން"
ރައީސް ނަޝީދު ވިދާޅުވީ, މިއަދު އެމަނިކުފާނު އެހެން ވިދާޅުވުމުން ބައެއް ފަރާތްތަކަށް އެކަން ޖޯކަކަށް ވެދާނެ ކަމަށާއި, ނަމަވެސް އެއީ ވުން ގާތް ކަމެއް ކަމަށެވެ.
"ޤާނޫނު އަސާސީ ގެނައީ ސުލްހަވެރި ގޮތެއްގައި ވެރިކަން ބަދަލު ކުރަމުންދާނޭ ގޮތްތަކެއް ހޯދުމަށް. އެއްވެސް ބޭފުޅަކު ވެރިކަމުގައި ތާއަބަދު ހުންނަވައިފިނަމަ މި ޤާނޫނު އަސާސީ ރައްޔިތުންގެ ތެރޭގައި މޫލައްވަން އުދަނގޫވާނެ." ރައީސް ނަޝީދު އިތުރަށް ވިދާޅުވިއެވެ.
ރައީސް ނަޝީދު ވަނީ ރައީސް ޞާލިޙްގެ ކެންޕެއިން ސްލޯގަންއަށް ވެސް ފާޑު ވިދާޅުވެފައެވެ. އެގޮތުން ވިދާޅުވީ, ރައީސް ޞާލިޙް އުޅުއްވަނި ޙަޤީޤަތް އޮޅުވާލަން ކަމަށެވެ.
"އަޅުގަނޑުމެންގެ ތެރޭގައި މާރާމާރީ އިންތިހާއަށް އިތުރުވެގެން, ގޭންގްތަކުގެ މާރާމާރީ ފުޅާވެގެންދާ މިންވަރު އަޅުގަނޑުމެން އެންމެގެ ލޯ ކުރިމަތީގައި ވަނިކޮށް, އެމަނިކުފާނު [ރައީސް ޞާލިޙް]ގެ ކެންޕެއިން ޝިޔާރަކަށް ހައްދަވަނީ އަމާންރާއްޖެ. އެއްގޮތަކަށް ވެސް ބައްލަވާ ނުލެއްވި ކަންވަމުންދާ ގޮތް"
"ތިބޭފުޅުންގެ ލޮލުގައި މިއަދު ރީނދޫ ކުލައިގެ ދަޅަ އިންތިހާއަށް އެބައޮތް, ނުހަނު ފައިސާވެރިކަމާއި އެތައް ބައިވަރު ބިލްބޯޑަޓަކާއި ގިޑިގެތައް އެބަހުރި."
ރައީސް ނަޝީދު އިތުރަށް ވިދާޅުވީ, އަންނަ ހޮނިހިރު ދުވަހު ނަގާ ވޯޓް ގަތުމަށް ރައްޔިތުން ގުނބޯ ހައްދަމުން އަންނަ ކަމަށާއި, އެކަމާ ރައްޔިތުން ވަރަށް ބޮޑަށް ވިސްނަވަން ޖެހިވަޑައިގަންނަވާ ކަމަށެވެ.
ކަލޭ ކުރިން އިބޫއާއިއެކީ ކުޅެމުންދިޔަ ފ ކުޅި މިހާރު ނުކުޅެވޭތީ ތި ތެޅިބާލަނީ ހަރާންބަކަރި
މި ނަސީދަށް ބާރު ލިބޭގޮތަށް އެއްވެސް ފަރާތަކަށް ވެރިކަން ދިނުމަކީ ގައުމަށް އޮތް ބޮޑު ނުރައކަލެއް. 2 ހެލިކޮޕްޓަރު ބެލެހެއްޓުމުގެ ނަމުގަ އިންޑިޔާސިފައިންގެ 40 ސިފައިން މިގައުމަށް އެރުވި މީހަކީ ނަސީދު . 2018 ގަ މި އައި ވެރިކަމުގާ ވެސް އިންޑިޔާ ސިފައިން ހަނިމާދޫއަށައީ އުތުރުތިލަފަޅަށް ގެނައުމުގެ އެންމެ ބޮޑުމޭސްތެރިޔަކީ ނަސީދު ،ވިލިމާލެ ބްރިޖް ޗައިނާ އަތުން އަތުލާ އިންޑިޔާ ކުންފުންޏަކަށް ދިނުމުގެ މޭސްތެރިޔަކީ ނަސީދު. ޗައިނާ މީހުން ބޭރުކުރުމުށް ނަސީދު ގޮވިހާތަކެތި އަދި ހަނދާނުންނުފިލާ. އިބޫއާއި ދުރަށް ނަސީދު ދިޔައީ އޭނަ ބޮޑުވަޒީރަކަށް ހަދާ މަޖިލީހުނަ ސަރުކާރު ހިންގާގޮތަށް ހަދަން އިބޫ އެއްބަސް ނުވުމުންނާއި ނިޒާމީ ވޯޓަކަށް ދާން އިބޫ އެއްބަސްނުވުމުން،
ތިހެންކިޔާފަ ދެވަނަ ބުރުގަ ކުދިންކޮޅު ގޮވައިގެން ފަހަތަށް އަރާނީ އަކީނުން.މިގައުމު އިންޑިޔާގެ އަޅުވެތިކަމުން ސަލާމަތްކުރަން ޑިމޮކްރެޓުސްގެ އެހޯތެރިކަން ބޭނުންވޭ.މިވެރިކަން ބަދަލުކުރަން އެބަޖެހޭ .