ސޮނާކްޝީ އަށް އިންޓަނެޓުން ފުރައްސާރަކުރި މީހާ އެނގުމުން ގިނަ ބަޔަކު ހައިރާންވެއްޖެ!
ބޮލީވުޑްގެ އެކްޓްރެސް ސޮނާކްޝީ ސިންހާއަށް އިންޓަނެޓުން ފުރައްސާރަ ކުރި މީހަކު ހައްޔަރު ކޮށްފިއެވެ.
މުމްބައި ފުލުހުންގެ ސައިބާ ޑިޕާޓްމަންޓުން މިމައްސަލައިގައި ހައްޔަރު ކޮށްފައިވަނީ އުމުރުން 27 އަހަރުގެ ޒުވާނެކެވެ.
ޝަޝީކާން ޖާދަވް ނަމަކަށް ކިޔާ އެމީހާއަކީ ރެސްޓޯރަންޓެއްގެ މެނޭޖަރެކެވެ. އެފަދަ މަތީ މަގާމެއްގެ މީހަކު އެފަދަ ނާތަހުޒީބު ޢަމަލެއް ކުރުމުން ގިނަ ވަނީ އެކަމާއި ހައިރާންވެ އޭނާ އަށް ނުރުހުން ފާޅު ކޮށްފައެވެ.
ބައެއް މީހުން ބުނެފައިވަނީ، އާއްމުކޮށް މިހެން ކާކުކަން ނޭނގޭ ގޮތަށް އައިޑީ ހަދައިގެން މީހުންނަށް އިންޓަނެޓް މެދުވެރިކޮށް ފުރައްސާރަ ކުރަނީ ތަޢުލީމީ ގޮތުން ވެސް ފެންވަރެއް ނެތް މީހުން ކަމަށް އޭނާއަށް ހީވި ކަމަށާއި ނަމަވެސް ޝަޝީކާން ގެ މިޢަމަލުގެ ސަބަބުން މިކަމާއިމެދު އޭނާ ދެކެމުން އައި ގޮތް ބަދަލު ވެއްޖެ ކަމަށެވެ.
ފުލުހުން މައުލޫމާތު ދީފައިވާ ގޮތުގައި ޝަޝީކާން ވަނީ ވަގު އައިޑީއެއް ހަދައިގެން ސޮނާކްޝީ އާއި ދިމާކޮށް ބޭއަދަބީ ބަސްތައް ބޭނުން ކުރުމުގެ އިތުރުން އިންޓަނެޓުން ސޮނާކްޝީއަށް ވަރަށް ބޮޑަަށް ފާރަވެސް ލާފައެވެ.
މީގެއިތުރުން ފުލުހުން ބުނީ ޝަޝީކާންގެ ޝިކާރައަކަށް އާލިއާ ބަޓް އާއި ފިލްމު ޕްރޮޑިއުސަރ އެކްތާ ކަޕޫރުވެސް ވިކަމަށް ތަހުގީގުން ހޯދިފައިވާ ކަމަށެވެ.
ފުލުހުން އޭނާ ހައްޔަރު ކޮށްފައިވަނީ ސޮނާކްޝީ އަށް ފުރައްސާރަ ކުރާކަމަށް އެ އެކްޓްރެސް ގެ ޓީމުން މިދިޔަ މަހު ހުށަހެޅި މައްސަލައަކާއި ގުޅިގެންނެވެ.
