ނިޒާމީ ވޯޓާ ގުޅޭގޮތުން އަންގާރަ ދުވަހު ގޮތެއް ނިންމަނީ
ރާއްޖޭގެ ވެރިކަމުގެ ނިޒާމު ބަދަލުކުރުމަށް ނަގާ ފެންނަ ނުފެންނަ ވޯޓާ ގުޅިގެން އަންނަ އަންގާރަ ދުވަހު ގޮތެއް ނިންމުމަށް މަސައްކަތްކުރަމުންދާ ކަމަށް އެމްޑީޕީން ވިދާޅުވެއްޖެއެވެ.
އެމްޑީޕީގެ ޗެއާޕާސަންގެ ނައިބު އިބްރާހިމް ވަހީދު (އިބުރޭ) ވިދާޅުވީ ނިޒާމީ ވޯޓާ ގުޅިގެން ގޮތެއް ނިންމުމަށް އެ ޕާޓީގެ ގައުމީ މަޖިލީހުގެ ބައްދަލުވުމެއް އަންގާރަ ދުވަހު ބާއްވަން ނިންމާފައިވާ ކަމަށެވެ.
އަދި ވަކި ގޮތަކަށް ނިންމުމުގައި ލަސްވެފައިވަނީ އިންތިހާބާއި ގުޅިގެން ގިނަ މެމްބަރުން ނެތުމުން ކަމަށާއި ބައްދަލުވުމުގައި ވީހާވެސް ގިނަ މެމްބަރުން ބައިވެރިކުރަން ބޭނުންވާ ކަމަށް އިބުރޭ ވިދާޅުވިއެވެ.
ވެރިކަމުގެ ނިޒާމާއި ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް މަޖިލީހުން ވަނީ ގަރާރެއް ފާސްކޮށްފައެވެ. މިއާއެކު އީސީން ބުނެފައިވަނީ އޮކްޓޯބަރި 29ގައި ނިޒާމީ ވޯޓެއް ނެގުމަށް މަސައްކަތް ކުރަމުން އަންނަކަމަށެވެ. ނަމަވެސް އެކަން ކުރެވޭނީ ރައްޔިތުން ގާތު އަހަންވީ ސުވާލު ސާފުވެ، ބަޖެޓު ހަމަޖެހުމުންކަމަށް އީސީން ވަނީ ބުނެފައެވެ.
ސެޕްޓެމްބަރު މަހުގައި ދެފަހަރު ވެރިކަން ކުރާ ނިޒާމްގެ ވޯޓެއް ނެގިފައި މިވަނީ ގިނަރައްޔިތުން މިވަނީ ރިޔާސީ ނިޒާމަށް ތާޢީދު ކޮށް ވޯޓް ދީފައި ، ބޮޑު ހަރަދު ކޮށްގެން އަހަރުގެ ފަހުކޮޅުގައި ބަޖެޓް ނެތި ނިޒާމީ އިތުރު ވޯޓެއް ނަގާކަށެއް ނުޖެހޭ !