ހެޔޮވެރިކަމެއް ކުރެވުނު ކަމުގެ އިޙްސާސް އެބަ ކުރެވޭ: ރައީސް ޞާލިޙް
ރިިޔާސީ ދައުރުގައި އެމަނިކުފާނު ކުރެއްވި ފާއިތުވި ފަސް އަހަރު ހެޔޮވެރިކަމެއް ކޮށްދެވިއްޖެ ކަމުގެ އިހްސާސް ކުރެއްވޭ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް މިއަދު ވިދާޅުވެއްޖެއެވެ.
މިހާރި ކުރިޔަށްދާ ނޫސްވެރިންގެ ބައްދަލުވުމުގައި ވާހަކަފުޅުދައްކަވަމުން ރައީސް ޞާލިޙް ވިދާޅުވީ ފަސްއަހަރު ދަތިތަކާއި އުދަނގޫތަކާއިއެކު ރައޔްިތުންނަށް ހެޔޮ ވެރިކަމެއް ކޮށްދެވިއްޖެ ކަމުގެ އިހުސާސް ކުރެވިއްޖެ ކަމަށެވެ.
“މިހާލަތުގައި އަޅުގަނޑައިއެކު ފަސް އަހަރު މަސައްކަތް ކުރެއްވި ކެބިނެޓްގެ ވަޒީރުންނާއި، ރައީސް އޮފީހުގައި މަސައްކަތް ކުރެއްވިބޭފުޅުން، މަޖިލީހުން އަޅުގަނޑަށް އެއްބާރުލުން ދެއްވި މެމްބަރުން އަދި ސަރުކާރުގެ އޮފީސް ކުންފުނިތަކުގެ ބޭފުޅުންނަށް ޝުކުރު ދަންނަވަން” ރައީސް ޞާލިޙް ވިދާޅުވިއެވެ.
ރައީސް ވިދާޅުވީ އެމަނިކުފާނުގެ ވެރިކަމުގެ ތެރޭގައި ދިމާވި އާލަމީ ވަބާ ކޮވިޑް-19ގެ ހާލަތާ ކުރިމަތިލުމަށް ފަހު ވެސް އެތައް ކުރިއެރުންތަކެއް ގެނެވިފައިވާ ކަމަށެވެ.
“ފަސްއަހަރުގެ ކާމިޔާބީގެ ލިސްޓު އަދި އަވަސްކަންނޭނގެ ތަރުތީބުކުރަން. އެކަން ޖަޖްކުރާނީ ރައްޔިތުން،" ރައީސް ޞާލިޙް ވިދާޅުވިއެވެ.
ރައީސް ޞާލިޙް ވަނީ ވެރިކަން ކުރުމަށް ފަސް އަހަރުގެ ދައުރެއް ރައްޔިތުން ދެއްވިކަމަށްޓަކައި ޝުކުރުއަދާކޮށްފައެވެ.
