ހަނިމާދޫގައި ދުވަސްވީ މީހެއް ޒަހަމްކޮށްލުމަށްފަހު ފޭރިގަތް މީހާގެ ބަންދަށް މުއްދަތު ޖަހައިފި

ހދ. ހަނިމާދޫގައި ދުވަސްވީ މީހަކަށް ހަމަލާދީ ޒަހަމްކޮށްލުމަށްފަހު ފޭރިގަތް މީހާގެ ބަންދަށް މުއްދަތު ޖަހައިފިއެވެ.

Ads by MWSC

ފުލުހުން މިއަދު ބުނީ އުމުރުން 63 އަހަރުގެ ފިރިހެނަކަށް ހަމަލާދީ އޭނާ ޒަހަމްކޮށްލުމަށްފަހު ފައިސާކޮޅު ފޭރިގަނެފައިވާ ކަމަށް ތުހުމަތުކުރެވޭ މީހާގެ ބަންދަށް ހަތް ދުވަސް ޖަހާފައިވާ ކަމަށެވެ.

އަދި އޭނާގެ ބަންދަށް މުއްދަތު ޖެހީ އިއްޔެ ހަނިމާދޫ މެޖިސްޓްރޭޓް ކޯޓުން ކަމަށް ފުލުހުން ހާމަކުރެއެވެ.

މި ހާދިސާގައި ހަމަލާދީ ޒަހަމްކޮށްލާފައި ވަނީ އެކަނި ދިރިއުޅެމުން ދިޔަ އާދަމް ޔޫސުފް ކިޔާ މީހަކަށެވެ. މިދިޔަ އަންގާރަ ދުވަހުގެ ރޭ 11:45 ހާއިރު ހިނގި މި ހާދިސާގައި ހަމަލާދިނުމަށް ބޭނުންކޮށްފައި ވަނީ ގޭގައި ގެންގުޅުނު ފިހި ގަނޑަކުންނެވެ.

އާދަމް ޔޫސުފް އަށް ހަމަލާދީފައި ވަނީ ހަނިމާދޫގައި ދިރިއުޅޭ ނޭކުރެންދޫއަށް ނިސްބަތްވާ އުމުރުން 22 އަހަރުގެ ޒުވާނެކެވެ.