މުޢިއްޒުގެ ސަރުކާރަކީ ރަނގަޅު ޚިދުމަތްތަކެއް ދެވޭ ސަރުކާރަކަށް ހަދަން ޑިމޮކްރެޓުންގެ ވިސްނުންތަކެއް އެބަހުރި: ޙަސަން ލަޠީފު
އިންތިޚާބީ ރައީސް ޑރ.މުޙައްމަދު މުޢިއްޒުގެ ސަރުކާރަކީ ބާރުވެރި، އަދި ރައްޔިތުންނަށް ރަނގަޅު ޚިދުމަތްތަކެއް ދެވޭނެ ސަރުކާރަކަށް ހެދުމަށް ވިސްނުންތަކެއް އެބަހުރި ކަމަށް ރައްޔިތުންގެ މަޖިލީހުގެ ރައީީސް މުޙައްމަދު ނަޝީދު އިސްވެ ހުންނަވައި އުފައްދަވައިފައިވާ "ދަ ޑިމޮކްރެޓްސް" އިން ބުނެފިއެވެ.
ޑިމޮކްރެޓްސްގެ އިސް ބައެއް ބޭފުޅުން މިއަދު ވަނީ ޑިރެކްޓަރ ޖެނެރަލް އޮފް ޓްރާންސިޝަން، ޢަބްދުއްރަޙީމް އާއި މިއަދު ބައްދަލުކުރައްވައި، ޕީޕީއެމް-ޕީއެންސީއާއި އެކުގައި ގުޅިގެން މަސައްކަތް ކުރެވޭނެ ގޮތްތަކާއި ގުޅޭގޮތުން މަޝްވަރާ ކޮށްފައެވެ.
މި މަޝްވަރާ ބައްދަލުވުމަށްފަހުގައި، ޑިމޮކްރެޓްސްގެ ވަގުތީ ޗެއާޕާސަން ޙަސަން ލަޠީފު ވިދާޅުވީ، ބައްދަލުވުމުގައި މަޝްވަރާ ކުރެވިފައި ވަނީ "ސްޓޭބަލް" ސަރުކާރެއް އޮތުމުގެ މުހިންމުކަމާއި ގުޅޭގޮތުން ކަމަށެވެ.
"އަދި ރައްޔިތުންގެ މަޖިލީހަކީ ވެސް ގިނަ މަސައްކަތްތަކެއް، އެ ސަރުކާރު ބޭނުންވާ، ރަނގަޅަށް ކުރެވޭނެ ރައްޔިތުންގެ މަޖިލީހެއް އޮތުމަކީ ވެސް މުހިންމު ކަމެއް ކަމަށް ދެކޭތީ، ޑިމޮކްރެޓުންނާއި ޑރ.މުޢިއްޒުގެ ސަރުކާރާއިއެކީގައި މަސައްކަތް ކުރެވޭނެ ގޮތްތަކަކީ ކޮބައިތޯއާއި، މަޝްވަރާ ކުރުމަށް ބައްދަލުވީ." އޭނާ ވިދާޅުވިއެވެ.
ރިޔާސީ އިންތިޚާބު ކައިރިވެފައިވަނިކޮށް ވެސް، ޕީޕީއެމް/ޕީއެންސީއާއި ޑިމޮކްރެޓްސް އެކުގައި މަސައްކަތް ކުރަން މަޝްވަރާ ކުރެވުނެވެ.
ނަމަވެސް އެ މަޝްވަރާތައް ނިންމައިލަން ޖެހުނީ އެއްވެސް ކޮޅެއްގައި ނުޖެހިއެވެ. ރިޔާސީ އިންތިޚާބުގެ ފުރަތަމަ ބުރުގައި ޑިމޮކްރެޓުންނަށް 15،000އަށްވުރެ ގިނަ ވޯޓު ލިބުނުއިރު، އައު ސަރުކާރުގައި އެ ޕާޓީގެ ހިއްސާ އޮންނާނެ ކަމަށް ޙަސަން ލަޠީފު ކުރިން ވިދާޅުވެފައިވެއެވެ.
މުއިއްޒުގެ ދުވަސް ދުއްވާލާނެ ފަނި އަޅަނީބާ؟
ތިޔަ ޑިމޮކްރޭޓުންނަކީ ކޮން މޮޅެެއް އެގިގެެއް އުޅޭ ބައެއް އަސްލު ސުމެއްގެ ބައެއް މި އިން ރަށެއްގެ އުޅޭ އާދައިގެ މުވައްޒަފުވެސް ތިމީހުންނަށްބުރެ މާބޮޑަށް ތިކަން ދަންނާނެ ވީމާ މުއިއްޒު އަށް ގޮތް ކިޔައިދޭކަށް ހަސަންޓޭ އެއް ނާއްޓޭއް ކޯއްޓޭ އެއް އީވާއްޏޭ އެއް ބޭނުމެއް ނުވާނެ