ލަންދޫ ޕްރީ ސްކޫލް ބެލެނިވެރިންނަށް އުރީދޫ އިން ޑިޖިޓަލް ފައިނައިސް އަދި އެމް- ފައިސާ ގެ ޓްރޭނިން ސެޝަން އެއް ބާއްވައިފި!
ލަންދޫ ޕްރީ ސްކޫލް ބެލެނިވެރިންނަށް އުރީދޫ އިން ޑިޖިޓަލް ފައިނައިސް އަދި އެމް- ފައިސާ ގެ ޓްރޭނިން ސެޝަން އެއް ބާއްވައިފި އެވެ. މި ސެޝަން ބާއްވާފައިވަނީ ޑިޖިޓަލް ދިވެހި ރާއްޖެ އެއް ބިނާ ކުރުމަށް އުރީދޫ އިން ކުރަމުންދާ މަސައްކަތުގެ ދަށުން ޑިޖިޓަލް ފައިނައިސް ގެ ހިދުމަތްތަކަށް އަހުލު ވެރި ކުރުމުގެ ގޮތުންނެވެ. އެގޮތުން ޑިޖިޓަލް ފައިނައިންސް މެދުވެރިކޮށް ފަހި ވެގެންދާ ފުރުސަތުތަކާ، ފަސޭހަ އާއި އެމް ފައިސާ ބޭނުންކުރާނެ ގޮތް ކިޔާދީފައިވެއެވެ.
ލަންދޫ ލަންދޫ ކައުންސިލްގެ ހިދުމަތްތަކަށް އެމް-ފައިސާ މެދުވެރިކޮށް ފަސޭހަކަމާއި ރައްކާތެރިކަމާއެކު ކައުންސިލަށް ދައްކަންޖެހޭ ފައިސާ މިހާރު ދައްކާލެވެއެވެ. އެމް-ފައިސާ އަކީ ކޮންމެ ތާކު، ކޮންމެ ވަގުތެއްގައި ވެސް ފައިސާ ޖަމާކުރުމާއި ފައިސާ ނެގުމާއި ޓްރާންސްފާ ކުރުމާއި، ޖީއެސްޓީ ދެއްކުމުގެ އިތުރުން ކެފޭ، ރެސްޓޯރަންޓް، ފިހާރަ ފަދަ ތަންތަނަށް ފައިސާ ދެއްކޭ ޑިޖިޓަލް ވޮލެޓެކެވެ. މީގެ އިތުރުން ސްޓެލްކޯ، އެމްޑަބްލިއުއެސްސީ، އުރީދޫގެ ހިދުމަތްތަކަށާއި މީޑިއާނެޓް ފަދަ ގިނަ ހިދުމަތްތަކަކަށް ބިލް ވެސް ދެއްކޭނެ އެވެ.
Highlights from the awareness session held for N. Landhoo Pre - School parents on digital finance and it’s convenience as part of our efforts to build a #DigitalMaldives. Landhoo community can now easily pay pre - school fees among other payments made to Landhoo Council from… pic.twitter.com/Yy7hP5tJZF
— Ooredoo Maldives (@OoredooMaldives) October 13, 2023
މި ހިދުމަތާ އެކު ޑިޖިޓަލް ޒަރިއްޔާތައް މެދުވެރިކޮށް ލަންދޫ ގެ ރައްޔިތުންނަށް ފައިސާގެ މުއާމަަލާތް ކުރުމުގައި އިތުރު ލުޔެއްލިބި ޑިޖިޓަލް ހިދުމަތްތައް މެދުވެރިކޮށް ބާރުވެރި މުޖުތަމަޢެއް ޤާއިމުކުރުމަށް ބިނާކުރެވިގެންދާނެއެވެ.
އެމް-ފައިސާ ގެ ހިދުމަތަކީ ކޮންމެ ނެޓްވޯކެއްގެ ކަސްޓަމަރަކަށްވެސް އުރީދޫ އެޕް މެދުވެރިކޮށް ބޭނުން ކުރެވޭ ހިދުމަތެކެވެ. އެމް-ފައިސާ ގެ ހިދުމަތައް އުރީދޫ އެޕް މެދުވެރިކޮށް ފަސޭހަކަމާއކު ރެޖިސްޓަރ ކުރެވޭނެއެވެ. ރެޖިސްޓަރ ކުރުމަށް ore.do/mf ޒިޔާރަތްކޮށްލައްވާށެވެ.
