ބުރިޖް މަތީގައި ހިނގި ނުރައްކާތެރި އެކްސިޑެންޓެއްގައި 5 މީހަކަށް އަނިޔާވެއްޖެ

ސިނަމާލެ ބުރިޖު މަތީގައި ނުރައްކާތެރި އެކްސިޑެންޓެއް ހިނގައި ފަސް މީހަކަށް އަނިޔާވެއްޖެއެވެ.

Ads by MWSC

ފުލުހުންގެ ބުނީ އެކްސިޑެންޓު ހިނގާފައި ވަނީ މިރޭ 19:50 ހާއިރު ކަމަށާއި އެކްސިޑެންޓު ހިނގަން މެދުވެރިވީ ދުއްވާފައި އައި ސައިކަލެއް ، ސައިކަލްގައި މަޑުކޮށްގެން އިން މީހެއްގެ ގައިގައި ޖެހިގެންނެވެ. މި ހާދިސާގައި އިތުރު ތިން ސައިކަލެއްގައި ޖެހި އެކި ވަރުގެ ގެއްލުންތައް ލިބުނު ކަމަށް މައުލޫމާތު ލިބެއެވެ.

މި އެކްސިޑެންޓުގައި ފަސް މީހަކަށް އެކި ވަރުގެ އަނިޔާވެ ފަރުވާދިނުމަށް ހޮސްޕިޓަލަށް ގެންގޮސްފައިވާ ކަމަށް ފުލުހުން ބުނެއެވެ.

ފުލުހުން ބުނީ  ތިން ސައިކަލަށް ބޮޑެތި ގެއްލުންތައް ވެފައިވާއިރު، އެކްސިޑެންޓުވި އެއް ސައިކަލު އެކްސިޑެންޓު ވުމުން ވެސް މަޑުނުކޮށް ގޮސްފައިވާ ކަމަށެވެ.

މި އެކްސިޑެންޓުގެ މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.