މޫސުން ތަން ނުދޭނަމަ، މުޢިއްޒު ހުވާ ކުރެއްވުމުގެ ރަސްމިއްޔާތު އޮންނާނީ މަޖިލީހުގައި
މޫސުން ތަން ނުދޭނަމަ, އިންތިޚާބީ ރައީސް ޑރ.މުޙައްމަދު މުޢިއްޒު ވެރިކަމުގެ ހުވާކުރެއްވުމުގެ ރަސްމިއްޔާތު ބާއްވަވާނީ ރައްޔިތުންގެ މަޖިލީހުގެ އިދާރާގައި ކަމަށް އެ އިދާރާއިން މިއަދު ވިދާޅުވެއްޖެއެވެ.
މަޖިލީހުގެ ޑިރެކްޓާ އޮފް ކޮމިއުނިކޭޝަން ޙަސަންް ޒިޔާއު މިއަދު ވިދާޅުވީ މުޢިއްޒު މަޤާމުގެ ހުވާ ކުރައްވަވާ ދުވަހުގައި މޫސުން ތަން ނުދޭނަމަ، އެ ރަސްމިއްޔާތު ބާއްވަވާނީ މަޖިލީހުގައި ކަމަށެވެ.
މުޢިއްޒު ހުވާކުރެއްވުމުގެ ރަސްމިއްޔާތު ބޭއްވުމަށް ޖުމްހޫރީ މައިދާން ތައްޔާރު ކުރުމުގެ މަސައްކަތް ހަވާލުކޮށްފައިވަނީ ސިފައިންގެ ވެލްފެއަރ ކުންފުނި (ސިވެކް) އާއެވެ. އެ ކުންފުންޏާ މި މަސައްކަތް ހަވާލުކޮށްފަައިވަނީ 22.5 މިލިއަން ރުފިޔާއަށެވެ.
މުޢިއްޒު ހުވާކުރެއްވުމުގެ ރަސްމިއްޔާތަށް ގައުމުތަކުގެ އިސް ވެރިން ވެސް ހިމެނިވަޑައިގަންނަވާނެއެވެ. އާއްމުންނަށް ވެސް ބައިވެރިވެވޭ މި ރަސްމިއްޔާތަށް 3,500 އެއްހައި ބޭފުޅުންނަށް ދައުވަތު އަރުވައިފައިވެއެވެ.
މި ރަސްމިއްޔާތުގައި އާއްމުންގެ ތެރެއިން 1000 މީހުންނަށް ބައިވެރިވެވޭނެއެވެ.
Ads by STO
