ޕަބްޖީ ކުޅޭ އިންޑިއާގެ ދަރިވަރުންނަށް އުފާވެރި ޚަބަރެއް: ސަރުކާރުން އެ ކުދިންނަށް ވަޒީފާ ދެނީ
އިންޑިއާގެ ޒުވާނުން އެކަމެއްގައި އެތައް ވަގުތެއް ހޭދަކުރާ އެއް ކަމަކީ އޮންލައިން ގޭމް ކުޅުމެވެ. އެކަމަކީ އެކުދިންގެ މައިންބަފައިން ކިތަންމެ ނުރުހޭ ކަމެއް ކަމުގައިވީ ނަމަވެސް މެއެވެ.
ޕަބްޖީ އަކީ އަޅުގަނޑުމެންގެ މި ކުޑަކުޑަ މުޖުތަމައުގައި ވެސް އެތައް ޒުވާނުންނެއް ދެވި ހިފާފައިވާ ގޭމެކެވެ. އިންޑިއާގެ ގިނަ ޒުވާނުންތަކެއްވެސް ދެވި ހިފާފައިވާ އެއްއޮންލައިން ގޭމަކީ ޕަބްޖީއެވެ.
އިންޑިއާގެ ޕަބްޖީ ކުޅޭ ކުދިންނަށް މިއޮތީ އުފާވެރި ޚަބަރެކެވެ. ޕަބްކީ އެކަަންޏެއް ނޫނެވެ. އެކި ކަހަލަ އޮންލައިން ގޭމް ތައް ވެސް މެއެވެ. މި ޚަބަރުގެ ސަބަބުން މައިންބަފައިން އެމީހުންގެ ދަރިން ޕަބްޖީ ކުޅުމާމެދު އުފާ ވެސް ކޮށްފާނެއެވެ.
އިންޑިއާގެ ޔޫނިއަން އެޑިއުކޭޝަން މިނިސްޓްރީގެ ފަރާތުން ގޭމް ކުޅޭ ކުދިންނަށް އެ ދާއިރާއިން ކުރިއަށް ދިއުމުގެ މަގު ތަނަވަސް ކޮށްދިނުމުގެ މަސަައްކަތް ދަނީ ކުރަމުންނެވެ. އަދި އެ ކުދިންނަށް ވަޒީފާގެ ފުރުސަތު ހޯދައިދިނުމަށް މަސައްކަތް ތަކެއް ވެސް ދަނީ ކުރަމުންނެވެ. އެގޮތުން ޕަބްޖީ ކުޅޭ އިންޑިއާގެ ދަރިވަރުންނަށް އެކުދިންގެ ހުނަރު ބޭނުން ކޮށްގެން މިއަދު ފައިސާ ހޯދިދާނެ އެވެ.
އިންޑިއާގެ ސުކޫލްތަކުގެ ކުދިންނަށް އިންޑިއަން ޓޯއީ އާރޓް ތަޖުރިބާ ކޮށްލުމުގެ ފުރުސަތު ދިނުމަށް ވެސް ވަނީ ނިންމާފައެވެ. އެގޮތުން އެކި ކަަހަލަ ކުޅޭއެއްޗެހި އަދި ޕަޕެޓު ވެސް އެ ކުދިންނަށް އުފެއްދިދާނެއެވެ. އެކުދިންނަށް ހާއްސަ ތަމްރީންތަކެއް ވެސް ދެވޭނެ ކަމުގައި އިންޑިއާގެ މީޑިއާތަކުން ރިޕޯޓް ކުރެއެވެ. މިއީ ބައިނަލްއަޤްވާމީ ފެންވަރުގެ ތަމްރީނެއް ކަމަށްވެސް މީޑިއާ ތައް ބުނެއެވެ.
އޮންލައިން ގޭމިން އަކީ އެ ދާއިރާއިން ވެސް ކުރިއަށް ދެވޭނެ އެއްޗެއް ކަމުގައި އިންޑިއާގެ ސަރުކާރުން ގަބޫލު ކުރެއެވެ. ހަމަ ގައިމުވެސް އިންޑިއާގެ އޮންލައިންގޭމް ކުޅޭ ކުދިންނަށް މިއީ އުފާވެރި ޚަބަރަކަށް ވާނެއެވެ.
Ads by STO
