މުޢިއްޒު ދިވެހިރާއްޖެ ނުބައި މަގަކުން ނުގެންދަވާނެކަން ޔަޤީން: ޝަހީމް
އިންތިޚާބީ ރައީސް ޑރ.މުޙައްމަދު މުޢިއްޒު ދިވެހިރާއްޖެ ނުބައި މަގަކުން ނުގެންދަވާނެ ކަމުގެ ޔަޤީންކަން އެބައޮތް ކަމަށް ކުރީގެ އިސްލާމިކް މިނިސްޓަރު ޑރ.މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ދައުލަތުގެ މީޑިއާ އިން ރޭ ގެނެސްދިން "ދިވެހީންގެރާއްޖެ" ޕްރޮގްރާމްގައި ޑރ.ޝަހީމް ވަނީ މި އަހަރުގެ ރިޔާސީ އިންތިޚާބުގެ ކެމްޕެއިންގެ ތެރޭގައި، މުޢިއްޒުއަށް ވެރިކަން ލިބިވަޑައިގެންފިނަމަ، ދީނީ ވަކި ވިސްނުމެއްގެ ބަޔަކަށް ތަޢުލީމީ ވުޒާރާ ދޭނެ ކަމަށް ބުނެ ވާހަކަތަޢ ފެތުރިއިރު، މުޢިއްޒު އަކީ އެފަދަ ވިސްނުންފުޅެއްގެ ބޭފުޅެއް ނޫން ކަމަށް ވިދާޅުވެ، އެމަނިކުފާނު ތަޢުލީމު ހާސިލު ކުރެއްވީ ޒަމާނީ ތަޢުލީމު ދޭ ތަންތަނުންކަން ފާހަގަކުރައްވައިފައެވެ. އޭނާ ވިދާޅުވި ގޮތުގައި، އިންތިޚާބީ ރައީސް މުޢިއްޒުގެ ވެރިކަމެއްގައި، ރާއްޖެ ނުބައި މިސްރާބަކަށް ނުދާނެއެވެ.
"ހަރުކަށި ފިކުރު ވެސް ރަނގަޅު ކުރެވޭނީ، ފިކުރީ ގޮތުން ރަނގަޅު ގޮތް، އެމީހުންނަށް ބުނެދީގެން." އޭނާ ވިދާޅުވިއެވެ.
އޭނާ އިތުރަށް ވިދާޅުވީ، މީގެ ކުރިން އޭނާ އިސްލާމިކް މިނިސްޓްރީގައި މަސައްކަތް ކުރެއްވިއިރު ވެސް ވަކިން ޖަމާޢަތް ހަދައިގެން ބަޔަކު މިސްކިތްތަކުގައި ނަމާދު ކުރި ކަމަށާއި، އެމީހުންނާއި ބައްދަލުކޮށް ވިސްނައިދިނުމަށް މަސައްކަތް ކުރެވުނު ކަމަށެވެ.
މިނިސްޓަރުކަން ބޭނުންވެގެންގޮސް މިހާރު މުސްތަގްބަލުވެސް މީނާއަށް އެނގެއެވެ. ހާދަ މޮޅީވެސް ދޯއެވެ. ދުނިޔެއާއި ހެދި މަންޖޯޅި ޖެހުނަސް މިއީ ބޮޑުވަރެވެ.