"ނެއިބާހުޑް ފަސްޓު"ގައި ރާއްޖެއަކީ ހާއްސަ ގައުމެއް: މޯދީ

"ނެއިބާހުޑް ފަސްޓް" ސިޔާސަތުގައި ދިވެހިރާއްޖެއަކީ ޚާއްސަ މަޤާމެއް ލިބިފައިވާ ގައުމެއް ކަމަށް  އިންޑިއާގެ ބޮޑުވަޒީރު ނަރެންދުރަ މޯދީ ވިދާޅުވެއްޖެއެވެ.

Ads by Sosun Fihaara

ދިވެހިރާއްޖޭގެ ޖުމްހޫރީ ދުވަހުގެ މުނާސަބަތުގައި މޯދީ ނެރުއްވި ބަޔާނެއްގައި ވިދާޅުވީ އިންޑިއާއާ ރާއްޖެއާ ދެމެދު އުފެދިފައިވާ ގާތް ގުޅުމަކީ ތާރީޚާއި ސަގާފަތުގެ މައްޗަށް ބިނާވެފައިވާ ގާތް ގުޅުމެއް ކަމަށެވެ. އަދި މި ސަރަހައްދުގެ ސަލާމަތާއި ކުރިއެރުމުގެ ތަސައްވަރު ސެކިއުރިޓީ އެންޑް ގްރޯތު ފޯ އޯލް އިން ދަ ރީޖަން (އެސްއޭޖީއޭއާރް) ގާއިމް ކޮށްދިނުމުގައި ވެސް އިސް ދައުރެއް ރާއްޖެ އިން އަދާ ކުރާ ކަމަށް މޯދީ ވިދާޅުވިއެވެ.

ދިވެހިރާއްޖޭގެ 55ވަނަ ޖުމްހޫރީ ދުވަހުގެ މުނާސަބަތުގައި، 🇮🇳 ބޮޑުވަޒީރު @narendramodi އިންޑިޔާ ސަރުކާރާއި ރައްޔިތުންގެ ނަމުގައި ރާއްޖޭގެ ރައީސުލްޖުމްހޫރިއްޔާ @ibusolihއަށާއި،ސަރުކާރަށާއި، 🇲🇻 ދިވެހި ރައްޔިތުންނަށް ވަރަށް އިޚްލާޞްތެރިކަމާއެކު ވަނީ ތަހުނިޔާ ވިދާޅުވެފައެވެ.
ނޫސް ބަޔާން pic.twitter.com/4FbOlq7Dro

— India in Maldives (@HCIMaldives) November 11, 2023

މޯދީގެ ބަޔާނުގައި ދެ ގައުމުގެ ރައްޔިތުންގެ އިޖުތިމާއީ އަދި އިޤްތިޞާދު ކުރިއެރުމަށްޓަކައި ރާއްޖެއާ ގުޅިގެން މަސައްކަތް ކުރުމަށް އިންޑިއާ އިން މަސައްކަތް ކުރާނެ ކަމުގެ ޔަގީންކަން ވަނީ ދެއްވައިފައެވެ. ހަމައެހެންމެ ކުރިޔަށް އޮތް އަހަރުތަކުގައި މަލްޓި ޑައިމެންޝަނަލް ޕާޓްނާޝިޕް އިތުރު ހަރުފަތަކަށް ކުރިއަރާނެ ކަމުގައި ގަބޫލުފުޅު ކުރައްވާ ކަމަށްވެސް ވިދާޅުވިއެވެ.

މި ސަރުކާރުގައި އިންޑިއާއާއި ރާއްޖެއާ ދެމެދުގެ ގުޅުން ވަނީ ވަރަށް ބޮޑަށް ކުރިއަރައިގެން ގޮސްފައެވެ. އެގޮތުން އިންޑިއާގެ ގިނަ ޕްރޮޖެކްޓްތަކެއް މި ސަރުކާރުން ވަނީ ފަށާފައެވެ. އިންތިހާބީ ރައީސް ޑރ. މުހައްމަދު މުއިއްޒު ވަނީ އިންޑިއާއާއެކު ގާތް ގުޅުމެއް ބާއްވާނެ ކަމަށް ވިދާޅުވެފައެވެ. ނަމަވެސް މި ސަރުކާރުން އިންޑިއާއާއެކު ގެންގުޅޭ ބައެއް ސިޔާސަތުތައް ކަމުނުދާކަން ފާހަގަ ކުރައްވަމުން ވަނީ ފާޑު ވިދާޅުވެފައެވެ.