ރައީސް މައުމޫން ދަރުމަވަންތަ ހޮސްޕިޓަލުގައި އެޑްމިޓް ކޮށްފި، އަވަސް ޝިފާއެއް މިންވަރު ކުރައްވާށި
ކޮވިޑް-19 އަށް ފައްސިވެފައިވާ ކުރީގެ ރައީސް , ރައީސް މައުމޫން އަބްދުލްގައްޔޫމް ދަރުމަވަންތަ ހޮސްޕިޓަލުގައި އެޑްމިޓް ކޮށްފިއެވެ.
އެމަނިކުފާނު ކޮވިޑަށް ފައްސިވެފައިވާކަން ހާމަ ކުރެއްވީ މިރޭ އެމަނިކުފާނު ކުރެއްވި ޓްވީޓެއްގައެވެ.
ރައީސް މައުމޫން ކޮވިޑަށް ޓެސްޓު ކުރެއްވީ ރެއިން ފެށިގެން ހުމުގެ އާލާސްކަންފުޅެއްގައި އުޅުއްވާތީ މިއަދު ޓްރީޓޮފް ހޮސްޓިޓަލަށް ޑޮކްޓަރަށް ދައްކަވަން ވަޑައިގެންފައެވެ.
އެމަނިކުފާނު ކޮވިޑަށް ފައްސިވެ ދަރުމަވަންތަ ހޮސްޕިޓަލުގައި އެޑްމިޓް ކުރެވުނީ މީގެ ދެ ގަޑިއިރެއްހާއިރު ކުރިން ކަމުގައި މައުލޫމާތު ލިބެއެވެ. އެމަނިކުފާނުގެ ހާލުކޮޅު އަންނަނީ ރަނގަޅު ވަމުން ކަމުގައި ވެސް މައުލޫމާތު ލިބެއެވެ.
ރައީސް މައުމޫނަކީ ކޮވިޑް-19ގެ ހައި ރިސްކު ކެޓަގަރީގެ ބޭފުޅެކެވެ. ސަބަބަކީ ކޮވިޑް-19 އަކީ އުމުރުން ދުވަސްވީ މީހުންނަށް ނުރައްކާ ބޮޑު ބައްޔަކަށް ވާތީއެވެ.
ރާއްޖޭގައި ކޮވިޑް-19 ހަލުވި ކަމާއެކު ފެތުރެމުން އަންނަ އިރު މިހާތަނަށް މި ބައްޔަށް 7،047 މީހުން ފައްސިވެފައި ވެއެވެ. އަދި މި ބަލި ޖެހިގެން 28 މީހުން ވަނީ ރާއްޖޭގައި ނިޔާވެފައެވެ.
ﷲ ތަޢާލާ ، ރައީސް މައުމޫނަށާއި މި ބަލި ތަހައްމަލް ކުރަމުންދާ އެންމެހާ މީހުންނަށް އަވަސް ޝިފާއެއް މިންވަރު ކުރައްވާށިއެވެ. އާމީން!
އަވަސް ސިފާއަކަށް އެދެއް