ކެންސަރުގެ ފަރުވާއަށް މިނިސްޓަރު ރަމީލާ ރާއްޖެއިން ބޭރަށް
ކެންސަރު ބައްޔަށް ފަރުވާ ހޯއްދެވުމަށް އެގްރިކަލްޗަރ އެންޑް އެނިމަލް ވެލްފެއަރ މިނިސްޓަރު ރަމީލާ ރާއްޖެއިން ބޭރަށް ފުރާވަޑައިގަންނަވާކަން ހާމަކުރައްވައިފިއެވެ.
އެކަމަނާ ކުރެއްވި ފޭސްބުކް ޕޯސްޓެއްގައި ވިދާޅުވެފައިވަނީ ކެންސަރު ބައްޔަށް ފަރުވާ ހޯއްދެވުމަށް މިއަދު ރާއްޖެއިން ބޭރަށް ފުރައިވަޑައިގަތުމަށް ހަމަޖެހިފައިވާ ކަމަށެވެ.
އެ ބައްޔަށް ޑައިގްނޯސްވުމާ ގުޅިގެން ކީމޯ އާއި ރޭޑިއޭޝަން ތެރަޕީ ނެގުމަށް ރާއްޖެއިން ބޭރަށް ވަޑައިގަންނަވަން ނިންމަވާފައިވާ ކަމަށާއި، ބަލި ޖެހިފައިވާކަން އެނގިވަޑައިގަތީ ކެންސަރުގެ އެޑްވާންސް ސްޓޭޖުގައި ހުއްޓައި ކަމަށް އެކަމަނާ ވިދާޅުވެފައިވެއެވެ.
މިނިސްޓަރު އިތުރަށް ވިދާޅުވީ، އެކަމަނާ ވަކިވެގެން ދަނީ ވަރަށް ބަރު ހިތަކާއި އެކުގައި ކަމަށާއި، اللهގެ އިރާދަފުޅުން އަދި ބައްދަލުވާނެ ކަމަށެެވެ. އަދި ހެޔޮ ދުޢާ ކޮށްދިނުމަށް ރަމީލާ ވަނީ އެދިވަޑައިގެންފައެވެ.
ރަމީލާއަށް ޖެހިވަޑައިގަތީ ކެންސަރުގެ ކޮން ބާވަތެއްކަން އެކަމަނާ ހާމައެއް ނުކުރައްވައެވެ.
ނަފުސާނީ ގޮތުންނާއި ޖިސްމާނީ ގޮތުން ދުޅަހެޔު ޒުވާން ޖީލެއް އުފައްދަން ރަގަޅު ފެމެލީ ޕުލޭން ތަކާއި ސިއްހީ ޕުލޭންތަކާއި ދުޅަހެޔު ކަން އިތުރުކުރަން ރަގަޅު ފިޔަވަޅުތަކެއް ސިއްހީ ދާއިރާތަކުންވެސް އަޅަންޖެހޭ، މިއަދު އާބާދީގެ ދުޅަހެޔުކަން ނެތުމުން އިޤުތިސޯދުވެސް ފުޑިގެން މިދަނީ !