ޚަބަރު

ކެބިނެޓް ބައްދަލުވުންތައް އެއް ދުވަހަށްވެސް ދެމިގެންދޭ: ރައީސް

އަލީ ސަމާޙް ، ދެން އޮންލައިން
ކެބިނެޓް ބައްދަލުވުމެއްގެ ތެރެއިން

ކޮންމެ ހަފްތާ އަކު އެއް ފަހަރު ބާއްވާ ކެބިނެޓްގެ ބައްދަލުވުންތައް އެއް ދުވަހަށްވެސް ދެމިގެންދާ ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެއެވެ.

Ads by Sosun Fihaara

ރައީސް އެހެން ވިދާޅުވީ ވެލާނޭ އިންޓަނޭޝަނަލް އެއާޕޯޓް، ވީއައިއޭ ތަރައްގީ ކުރުމުގެ ބޮޑު މަޝްރޫއު އިފްތިތާހު ކޮށްދެއްވައި ވާހަކަފުޅު ދައްކަވަމުންނެވެ.

އިގްތިސާދީ މަސައްކަތްތަކަށް ހާއްސަ އަހައްމިޔަތުކަމެއް މި ސަރުކާރުން ދެއްވާ ކަމުގެ މިސާލު ޖައްސަވަމުން ރައީސް ވިދާޅުވީ އިކޮނޮމިކް ކައުންސިލާއި ޝޯޝަލް ކައުންސިލްގެ ބައްދަލުވުންތައް މަދުވެގެން ދުވާލަކު އެއް ފަހަރު ބާއްވާ ކަމަށެވެ. ބައެއް ދުވަސް ދުވަހު ދެ ފަހަރުވެސް އެ ކައުންސިލްގެ ބައްދަލުވުންތައް ބާއްވާ ކަމަށް ވިދާޅުވިއެެވެ.

''މިއަދުގެ އިކޮނޮމިކް ކައުންސިލް ނިމުނީ މިރޭ ހަތެއް ޖެހިއިރު، ނިމިމާއި އެކު ޖަލްސާ ބާއްވާ'' ރައީސް ވިދާޅުވިއެވެ.

އެމަނިކުފާނު ވިދާޅުވީ ހަފްތާ14 އަށް ކަނޑައަޅާފައި ހުރި ކަންތައްތައް ހާސިލުކުރުމަށްޓަކައި ބާއްވަނީ ދެ ގަޑިއިރުގެ ކެބިނެޓް ބައްދަލުވުމެއް ނޫން ކަމަށެވެ.

އެވަރަކުން ނުފެދޭ. ދިވެހި ރައްޔިތުންނަށް ހައްގު މިންވަރަކީ އެއީ އެއް ނޫން، ކަންކަން އެބަ ގެންދަން މި ޓީމުން ހިތްވަރާއެކު ކުރާ މަސައްކަތުން މުޅި ދުވަސް އެއްކޮށް ހޭދަކުރަން ކެބިނެޓުން ކަންކަން ނިންމަން

ރައީސް ވިދާޅުވި ގޮތުގައި މި ސަރުކާރު ދެމިއޮންނާނީ ރައްޔިތުންގެ އުއްމީދުތަކުގައި ހަގީގި ކުލަ ޖެއްސުމަށެވެ. އެއާޕޯޓުގެ މަޝްރޫއުއަށް އިޝާރާތްކުރައްވާ ރައީސް ވިދާޅުވީ އިންވެސްޓަރުންނާއި، ހާރިޖީ އެކި އެކި ފަރާތްތަކުން މި ރާއްޖެއަށް ހައްގު މިންވަރަކީ ކޮބައިކަން ފަހުމްވާން ޖެހޭ ކަމަށެވެ.

''ދިވެހި ރައްޔިތުންނަށް އެންމެ ފައިދަޔާ ލާބަ ހުރި ކަންކަން އެއީ އަޅުގަނޑުމެން އެންމެ އިސްކުރާނެ ކަންކަންކަން'' ރައީސް މުއިއްޒު ވިދާޅުވިއެވެ. ރާއްޖެއަށް ފައިދާވާނެ ކަންތައް ފަހިކޮށްދީ، މިނިވަންކަމާއި އިސްތިގުލާލު ހިމާޔަތްވާ ކަމުގެ ޔަގީންކަން ކަށަވަރުކޮށްދޭ ކޮންމެ ބަޔަކީ ގާތް ބައެއް ކަމަށާއި، އެ ފަދަ ކޮންމެ ބަޔަކާއި އެކު މަސައްކަތްކުރައްވަން ހުންނެވީ ތައްޔާރަށް ކަމަށް ވިދާޅުވިއެވެ.

ރައްޔިތުން ހަވާލުކުރި ޒިންމާ ތެދުވެރިކަމާއި އަމާނަތްތެރިކަމާއި އެކުގައި އަދާކުރުމަށްވުރެ ހިތްހަމަ ޖެހުން ލިބިވަޑައިގަންނަވާ އެހެން ކަމެއް ނެތް ކަމަށް ރައީސް ވިދާޅުވިއެވެ.

Ads by Ooredoo
  1. ބަލާތި

    މާލޭގެ ބިމަށް އަދި 200 ހެކްޓަރުގެ ބިން އިތުރުކޮށްގެން މާލޭގައި ލައިޓް އިންޑަސްޓްރިއަލް ވިޔާފާރި ފުޅާ ކުރަން ސަރުކާރުން ވިސްނުން ގެންގުޅެން އެބަޖެހޭ އެގޮތުން ބަލާއިރު މާލޭގެ އުތުރު ފަރާތުން ކަނޑު ހިއްކަންވީއޭ 200 ހެކްޓަރުގެ ބިން ނެގެންދެން ހިއްކާނީ ގޮސް ކުރުނބާ ވިލެޖާއި ޖެހެންދެން އީއައިއޭ ކޮންމެހެން ހަދަން ނުޖެހޭނެއޭ އީއައިއޭ ހެދުން އުވާލާނީ ރައީސްގެ ގަރާރަކުން އެއީ އެއްގޮތަކަށް ވެއް ކުރަންޖެހޭ ކަމެއް ނޫނޭ އެއީ ކުރާ ވައްކަމެކޭ ބަޔަކު..

  2. ބަލާތި

    ޜިއެކްސްޕޯރޓް މަސައްކަތަށް ވަރަށް ރަނގަޅުވާނެ ފޭދޫ ފިނޮޅު އިރުން އޮތް ބޮޑު ފަޅު އެފަޅު އެއްކޮށް ހިއްކާލާ އެފަޅަށް ބަދަލުކޮށްލަންވީ މާލޭގައި ހުރި ހުރިހާ ގަރާޖް ތަކާއި ވޯރކްޝޮޕްސް ތައް އެއިރުން އެމެން އެތަނުން ރިކޮން ސައިކަލް އާއި ކާރު އެކްސްޕޯރޓް ކުރާނެ އެފްރިކާ ބައްރަށް އެއީ ޔަގީން ކަމެކޭ..