އެޗްޑީސީގެ 600 އަށް ވުރެ ގިނަ މުވައްޒަފުން ސިޓީ ކައުންސިލަށް
ހައުސިންގ ޑިވެލޮޕްމެންޓު ކޯޕަރޭޝަން- އެޗްޑީސީގެ 600 އަށްވުރެ ގިނަ މުވައްޒަފުންގެ ވަޒީފާ މާލޭ ސިޓީ ކައުންސިލަށް ބަދަލުކުރާނެ ކަމަށް މާލެ ސިޓީ ކައުންސިލުން ބުނެފިއެވެ.
އެޗްޑީސީއިން ކުރަމުން އަންނަ މުނީސިޕަލް މަސައްކަތް ވަނީ މާލެ ސިޓީ ކައުންސިލްގެ ދަށަށް ބަދުކޮށްފައިއެވެ. މިބަދަލާއި ގުޅިގެން މާލޭ ސިޓީ ކައުންސިލަށް އެ ކޯޕަރޭޝަންގެ ބައެއް މުވައްޒަފުން ބަދަލުކުރުމަށް ވަނީ ނިންމާފައިއެވެ.
މި މުވައްޒަފުން ސިޓީ ކައުންސިލްގެ ދަށަށް ބަދަލުކުރި ކަމުގައި ވީނަމަވެސް އެމީހުގެ އުޖޫރައަށް އެއްވެސް ބަދަލެއް ނާންނާނެކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ ވިދާޅުވެފައިއެވެ.
އެޗްޑީސީއިން ކުރިއަށް ގެންދާ ހުޅުމާލޭގެ މުނިސިޕަލް މަސައްކަތް ވެރިކަމުގެ ފުރަތަމަ 100 ދުވަސް ތެރޭގައި މާލެ ސިޓީ ކައުންސިލަށް ބަދަލުކުރުމަކީ ރައީސް ޑރ. މުއިއްޒުގެ ވައުދުފުޅެއްކަން ފާހަގަކޮށްލެވެއެވެ.
ރައީސް ޑރ. މުއިއްޒު މާލޭގެ މޭޔަރުކަމަށް ހުންނެވި އިރު އެމަނިކުފާނު ވަނީ ހުޅުމާލެ، މާލެ ސިޓީ ކައުންސިލާއި ހަވާލުކުރުމަށް ވަނީ މި ބަދަލު ގެނައުމަށް މަސައްކަތް ކޮށްފައިއެވެ. އަދި ކުރީގެ ސަރުކާރާއި މިކަން މަޝްވަރާކޮށްފައިވާކަންވެސް ފާހަގަކޮށްލެވެއެވެ.ނަމަވެސް ކުރީ ސަރުކާރުން ވަނީ މިކަމަށް ދެކޮޅު ހަދާ، ހުޅުމާލެ މާލެ އެޗްޑީސީގެ ދަށުގައި ބޭއްވުމަށް ނިންމާފައިއެވެ.
ނިމިދިޔަ އަހަރު އާބްންކޯއަށް އެޗްޑީސީގެ ނަން ބަދަލުކޯށްފައި ވީނަމަވެސް އެ ކޯޕަރޭޝަންގެ ނަން މިވަނީ އަނެއްކާވެސް އެޗްޑީސީއަށް ބަދަލުކޮށްފައިއެވެ.
