Saturday, 21 November 2026
Advertisement
HDC — Share-Below (leaderboard)
ޚަބަރު

ދުންޔާ ހުޅުމާލޭ ދެކުނު ގޮނޑި ކާމިޔާބު ކުރެއްވުމާ ގާތަށް!

ދުންޔާ ހުޅުމާލޭ ދެކުނު ގޮނޑި ކާމިޔާބު ކުރެއްވުމާ ގާތަށް!

ސަރުކާރު ހިންގާ ކޮންގްރެސް ޕާޓީގެ ފަރާތުން މަޖިލިސް އިންތިޚާބުގައި ކުރިމަތިލާނެ ފަރާތްތައް ހޮވުމަށް ބާއްވާ އިންތިޚާބުގެ ވޯޓުލާ ގަޑި ކުޑަތަންވަމުން އަންނައިރު ކެންޕެއިން ވެސް ދަނީ ފޯރިގަދަވަމުންނެވެ.

މި އިންތިޚާބުގައި އެންމެ ވާދަވެރި އެއް ދާއިރާއަކީ ހުޅުމާލޭ ދެކުނު ގޮނޑިއެވެ. މި ދާއިރާއަށް ޖުމްލަ ހަ ކެނޑިޑޭޓުން ވާދަ ކުރައްވައެވެ. އެއީ ރަޙްމަތުالله އަޝްރަފް, ޝާނީޒް ހާސިމް, ދުންޔާ މައުމޫން, މުޙައްމަދު އަޙްލާމް, އައިމިނަތު ޒައީމާ, މުޙައްމަދު އިޙްސާން އިބްރާހީމް ހިމެނެއެވެ.

އޭގެ ތެރެއިން ކެނޑިޑޭޓް ނަންބަރު 3, ދުންޔާ މައުމޫންގެ ކެންޕެއިން ފެންނަނީ ވަރަށް ފޯރިގަދަކޮށެވެ.

Advertisement
Allied Insurance — Square (box)

ކޮންމެ ދުވަހަކު ދޮރުން ދޮރަށް ހިންގަވައެވެ. ރައްޔިތުންގެ ގާތަށް ވަޑައިގެން ރައްޔިތުންގެ ހާލު ގާތުން ބައްލައެވެ. ރައްޔިތުންނަށް ދިމާވެފައިވާ ދަތިތަކަކީ ކޮބައިކަން ސާފު ކުރައްވާ, ހައްލު ހޯއްދަވައިދެއްވުމަށް މަސައްކަތް ކުރައްވައެވެ. އަދި މަޖިލިސް ގޮނޑި ކާމިޔާބު ކުރައްވައިގެން ހައްލުވާނެކަންކަން ނޯޓް ކުރައްވައެވެ.

ދުންޔާގެ މާޒީއަށް ބަލާލާއިރު, އޭނާއަކީ ކިޔަވައިގެން ހުރި ޒުވާން އަންހެން ލީޑަރެކެވެ. ކޮންގްރެސް ޕާޓީގެ ޕްރައިމަރީގައި ވާދަ ކުރާ 23 އަންހެން ކެނޑިޑޭޓުންގެ ތެރޭގައި ހިމެނޭ ޤާބިލް ކެނޑިޑޭޓެކެވެ. މި ޕްރައިމަރީގައި 90 ދާއިރާއަކަށް ޖުމްލަ 283 ކެނޑިޑޭޓަކު ވާދަކުރައްވައެވެ.

ހުޅުމާލޭ ދެކުނު ދާއިރާގެ ވޯޓް ފޮށި ހުންނާނީ ރެހެންދި ސްކޫލުގައެވެ. ވޯޓްލުން ފެށޭނީ ހެނދުނު 10 ޖަހާއިރުއެވެ. ހަވީރު 5 ޖަހަންދެން ވޯޓްލުން ކުރިޔަށްދާނެއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.