އިމާރާތްކުރުމާ ބެހޭ ވަޒީރު ހައިދަރަށް ރުހުން ނުލިބުނު!
އިމާރާތް ކުރުމާ ބެހޭ ވަޒީރު ޑރ. އަލީ ހައިދަރަށް ރުހުން ނެތް ކަމަށް ބޮޑު ތަފާތަކުން ފާސްކޮށްފި އެވެ.
ތިން ވަޒީރަކަށް ރުހުން ނެތް ކަމަށް ފާސްކުރިއިރު އެންމެ ބޮޑު ތަފާތަކުން ރުހުން ނެތް ކަމަށް ފާސްކުރީ ހައިދަރުގެ ނަމެވެ. ހައިދަރަށް ރުހުންދޭން ނުފެންނަ ކަމަށް 46 މެމްބަރަކު ވޯޓު ދެއްވި އިރު އޭނާއަށް ރުހުންދޭން ނުފެންނަ ކަމަށް 24 މެމްބަރަކު ވޯޓުދެއްވި އެވެ.
ހައިދަރަށް ރުހުން ނުދިނުމާ ގުޅިފައިވަނީ މާލޭ ރައްޔިތުންނަށް ކުރީ ސަރުކާރުން ދީފައިވާ ފްލެޓުތަކާއި ގޯތިތައް ނުދީ ލަސްކުރާ ކަމަށް ކުރާ ތުހުމަތުތަކެވެ.
ހައިދަތުގެ އިތުރުން ރުހުން ނުދޭން ފާސްކުރީ ބަންޑާރަ ނައިބު އަހުމަދު އުޝާމާއި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދެވެ.
ބައެއް ވަޒީރުންނަށް ރުހުން ނުދޭން މަޖިލީހުން މިއަދު ފާސްކުރީ މަޖިލީހުގެ މެޖޯރިޓީ އޮންނަ އެމްޑީޕީއާއި ދަ ޑިމޮކްރެޓްސްއިން އެގޮތަށް ނިންމައިގެންނެވެ. ބައެއް ވަޒީރުންނަށް ރުހުން ނުދޭން އެ ދެޕާޓީގެ ޕާލަމެންޓްރީ ގްރޫޕުން ވިޕްލައިނެއް ނެރުނު ކަމަށް ނުރަސްމީކޮށް އެނގުނު ނަމަވެސް ރުހުން ނުދޭން ނިންމީ ސީދާ ކޮންކޮން ވަޒީރުންނަކަށް ކަމެއް އެ ދެޕާޓީން ހާމައެއް ނުކުރެއެވެ.
