އިންތިހާބު ބާއްވާ ތާރިހަށް އައި ބަދަލާއެކު އަލަށް 560 މީހަކަށް ވޯޓު ލެވޭނެ
ރައްޔިތުންގެ މަޖިލީހުގެ އިންތިހާބު ބާއްވާ ތާރީހު ބަދަލުކުރުމާއެކު އަލަށް 560 މީހަކަށް ވޯޓުލެވޭނެ ކަމަށް އިލެކްޝަން ކޮމިޝަން (އީސީ) އިން މިރޭ ބުނެފިއެވެ.
އީސީގެ ފަރާތުން އެކަން ހާމަކުރީ އެ ކޮމިޝަން ނައިބް ރައީސް އިސްމާއިލް ހަބީބެވެ. އޭޕްރީލް މަހުގެ 17 ވަނަ ދުވަހު ބާއްވާ އިންތިހާބުގެ ވޯޓުލުން ކުރިއަށްދާނީ ހެނދުނު އަށަކުން ހަވީރު ހަތަރަކަށެވެ.
އިންތިހާބުގައި ޖުމްލަ 368 ކެންޑިޑޭޓުން ވާދަކުރާއިރު އޭގެ ތެރޭ ހިމެނެނީ 326 ފިރިހެން ކެންޑިޑޭޓުން 42 އަންހެން ކެންޑިޑޭޓުންނެވެ. ވިހި ވަނަ މަޖިލީހަށް 93 ދާއިރާއަކުން މެންބަރުން އިންތިހާބު ކުރާނެއެވެ.
އަމިއްލަ ގޮތުން 130 ކެންޑިޑޭޓުން ވާދަކުރާއިރު ހަތް ސިޔާސީ ޕާޓީއަކުން 22 އަންހެނުންނާއި 216 ފިރިހެނުންނާއެކު، ޖުމުލަ 238 ކެންޑިޑޭޓުން ވާދަކުރާ ކަމަށް އީސީން މައުލޫމާތުދެއެވެ.
ވާދަކުރާ ކެންޑިޑޭޓުންގެ ނަންތައް ތަރުތީބު ކޮށްފައިވާއިރު މިހާރު ކުރިއަށްދަނީ ބޭނުންވާ އޮފިޝަލުން ތަމްރީނު ކުރުމުގެ މަސައްކަތެވެ.
Ads by STO
