ސަރުކާރުން ދޭ ހަނޑުލާއި ފުށް އަންނަ ހަފްތާގައި ހަވާލުކުރަނީ
ރޯދަ މަހުގައި ރާއްޖޭގެ ހުރިހާ ގޭބީސީއަކަށް ބަހާ ހަނޑުލާއި ފުށް، އަންނަ ހަފްތާގައި ކައުންސިލްތަކާ ހަވާލުކުރާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ރ. އަދި ބ. އަތޮޅަށް ކުރައްވަމުންގެންދަވާ ރަސްމީ ދަތުރުފުޅުތަކުގެ ތެރެއިން، އޭދަފުއްޓަށް ވަޑައިގެން ރޭ ބޭއްވި ޖަލްސާގައި ވާހަކަދައްކަވަމުން ރައީސް ވިދާޅުވީ، ރޯދަ މަހު ކޮންމެ ގެއަކަށް 10 ކިލޯ ހަނޑުލާއި ފުށް ބެހުމަށް، އެތަކެތި މިހާރު އެސްޓީއޯއިން ރާއްޖެ ގެނެސް، އަންނަ ހަފްތާގައި ކައުންސިލްތަކާ ހަވާލުކުރާނެ ކަމަށެވެ.
"އަންނަ ހަފްތާގައި މަސައްކަތް ފަށާނެ. ނިކަމެތި އާއިލާތަކަށް 10 ކިލޯ ހަނޑުލާއި ފުށަކީ ވެސް ކޮންމެވެސް ވަރެއްގެ އެހީތެރިކަމަކަށް ވާނެ" ރައީސް ވިދާޅުވިއެވެ.
ކުރިއަށް އޮތް ރޯދަ މަހު ކޮންމެ ގޭބިސީއަކަށް ސަރުކާރުގެ ފަރާތުން 10 ކިލޯގެ ހަނޑޫ އަދި 10 ކިލޯގެ ފުށް ބަސްތާއެއް ހަދިޔާކުރަން ނިންމާފައިވާކަން ރައީސް އިއުލާންކުރެއްވީ މިދިޔަ މަހުގެ 13 ގައެވެ.
މި ކާޑުގެ ބާވަވްތައް ހަދަން ރަޖިސްޓްރީވާން ނުޖެހޭނެ ކަމަށް ސިޓީތަކާއި އިދާރީ ދާއިރާތަކާ ބެހޭ މިނިސްޓަރު އާދަމް ޝަރީފު ވަނީ ވިދާޅުވެފައެވެ.
Ads by STO
