ދެ ފުލުހަކަށް ވަޅިން ބިރުދައްކައި މާރާމާރީ ހިންގި ބަޔަކު ހައްޔަރަށް

ކުލަ ހެދުމުގައި ތިބި ދެ ފުލުހަކަށް ވަޅިން ބިރުދައްކައި މާރާމާރީ ހިންގި މައްސަލައެއްގައި ތިން މީހަކު ހައްޔަރުކޮށްފި އެވެ.

މިޑިއާތަކަށް ފޮނުވި މެސެޖެއްގައި ފުލުުހުން ބުނީ، އެކަމެއް ހިނގާފައިވަނީ ރޭ 10:00 ހާއިރު ކަމަށެވެ. މާރާމާރީއާ ގުޅިގެން ހައްޔަރުކުރީ ދިވެހި ތިން ފިރިހެނުންނެވެ.

އެއީ އުމުރުން 35 އަހަރުގެ މީހަކާއި 39 އަހަރުގެ ދެ މީހުންނެވެ.

ފުލުހުން ބުނީ އެ ތިން މީހުން ހައްޔަރުކުރުމުގައި އަަމަލުކުރި ގޮތާއި މެދު ޝަކުވާތަކެއް ލިބިފައިވާ ކަމަށެވެ. އެހެންވެ އެ މައްސަލަ ބަލަމުންދާ ކަމަށެވެ.