ކާރަކާ ސައިކަލެއް ޖެހި އެކްސިޑެންޓެއް، އަނިޔާވި މީހަކަށް ފަރުވާދެނީ

ހުޅުމާލޭގައި މިއަދު ހިނގި އެކްސިޑެންޓެއްގައި އަނިޔާވި މީހަކަށް ހޮސްޕިޓަލުގައި ފަރުވާ ދޭން ފަށައިފިއެވެ.

Ads by STELCO

ފުލުހުންގެ މީޑިއާ އޮފިޝަލް ވިދާޅުވީ ހުޅުމާލޭ ރީތިގަސް މަގުގައި ހުންނަ ކަރެކްޝަންސް ސާވިސް ކައިރީގައި މި އެކްސިޑެންޓު ހިނގާފައިވަނީ ކާރަކާއި ސައިކަލެއް ޖެހި ކަމަށެވެ.

މިއަދު ހަވީރު 16:40 ހާއިރު ރިޕޯޓު ކުރި އެކްސިޑެންޓުގައި އަނިޔާވެފައިވަނީ 35 އަހަރުގެ އަންހެނަކަށް ކަމަށާއި އޭނާއަށް ޓްރީޓޮޕް ހޮސްޕިޓަލުގައި ފަރުވާ ދެމުން އަންނަ ކަމަށް ފުލުހުން ބުންޏެވެ.

ފުލުހުން ބުނީ އެކްސިޑެންޓުގައި ހިމެނޭ ދެ ވެހިކަލަށް ވެސް އެކި ވަރުގެ ގެއްލުން ވެފައިވާ ކަމަށެވެ.

ފުލުހުން ބުނި ގޮތުގައި އެކްސިޑެންޓުގައި ހިމެނޭ ކާރު ދުއްވި މީހާގެ އަތުގައި އެއްގަމު އުޅަނދު ދުއްވުމުގެ ލައިސެންސެއް ނެތެވެ.

އެކްސިޑެންޓުގެ މައްސަލަ ފުލުހުން އަންނަނީ ތަހުގީގު ކުރަމުންނެވެ.