11 އަތޮޅަކުން 17 ރަށާއި ފަޅު ދޫކުރަން އިއުލާންކޮށްފި
ރިސޯޓު ތަރައްގީ ކުރުމަށް 11 އަތޮޅަކުން 17 ރަށާއި ފަޅު ދޫކުރަން ސަރުކާރުން އިއުލާންކޮށްފި އެވެ.
އިއްޔެ ޓޫރިޒަމް މިނިސްޓްރީން ކުރި އިއުލާނުގައި ވަނީ ކުއްޔަށް ދޫކުރާ ތަންތަނުގެ އިކުއިޒިޝަން ކޮސްޓު ވަނީ ހިމަނައިފަ އެވެ.
އެގޮތުން އެންމެ ބޮޑު އިކުއިޒިޝަން ކޮސްޓެއް ކަނޑައަޅާފައިވަނީ މާލެ ސަރަހައްދުގައި އޮންނަ ހިއްމިޔާ ފަޅަށެވެ. އެފަޅުން 712 ހެކްޓަރު ދޫކުރަން ނިންމާފައިވާއިރު އެފަޅުގެ އިކުއިޒިޝަން ކޮސްޓުގެ ގޮތުގައި ކަނޑައަޅާފައިވަނީ 23.5 މިލިއަން ޑޮލަރެވެ.
މީގެ އިތުރުންވެސް މާލެ އަތޮޅުގައި އޮތް ފަޅެއް ވަނީ ކުއްޔަށް ދޫކުރަން އިއުލާން ކޮށްފަ އެވެ. އެގަޅުން 46 ހެކްޓަރު ދޫކުރަން ނިންމާފައިވާއިރު އިކުއިޒިޝަން ކޮސްޓުގެ ގޮތުގައި ކަނޑައަޅާފައިވަނީ 10.9 މިލިއަން ޑޮލަރެވެ.
އިތުރަށް ދޫކުރަން ނިންމާފައިވަނީ ތ. އަތޮޅުގެ ހަތަރު ރަށާއި، ލ. އަތޮޅުގެ ތިން ރަށެކެވެ. މީގެ އިތުރުން ގއ، ގދ އިން ކޮންމެ އަތޮޅަކުން އެއް ރަށް ފަތުރުވެރިކަމުގެ ބޭނުމަށް ކުއްޔަށް ދޫކުރަން ސަރުކާރުން ވަނީ ނިންމައިފަ އެވެ.
ހދ. ވައިކަރަމުރައިދޫން 15 ހެކްޓަރުގެ ބިމެއްވެސް ދޫކުރަން އިއުލާނުގައި ވެއެވެ. ހަމައެއާއެކު ށ. ރ. ކޮންމެ އަތޮޅަކުން އެއް ރަށާއި ޅ. އަތޮޅުން ދެރަށްވެސް ކުއްޔަށް ދޫކުރަން ނިންމާފައި ވެއެވެ.
