މީހަކު ބަރަހަނާކޮށް، ބިރުދައްކައި ފޭރުނު ތިން މީހަކަށް ދައުވާކުރަން ފޮނުވައިފި
މއ. މަސްފަން ގެއަށް ދިވެހި ފިރިހެނަކު ވައްދައި، އެމީހާއަށް ވަޅިން ބިރު ދައްކައި އޭނާގެ މޯބައިލް ފޯނުއަތުލައި އޭނާގެ ބެންކު އެކައުންޓުން ފައިސާ ޓްރާންސްފަކުރުވައި އަދި އޭނާގެ ކޭޝްކާޑު ބޭނުންކޮށްގެން އޭޓީއެމްއިން ފައިސާ ނަގާފައިވާ ކަމަށް ތުހުމަތުކުރެވޭ މައްސަލާގައި ތިން މީހުންނަށް ދައުވާކުރަން ޕްރޮސެކިއުޓާ ޖެނެރަލް (ޕީޖީ) ގެ އޮފީހަށް ފޮނުވައިފި އެވެ.
އެކަމެއް ހިނގާފައިވަނީ ޖުލައި މަހުގެ 24 ވަނަ ދުވަހު އެވެ.
އެ މައްސަލާގައި ދައުވާކުރަން ފޮނުވާފައިވަނީ:
1. މއ. މަސްފަން، އާއިޝަތު (43އ)
2. މއ. މަސްފަން، މުހައްމަދު ރީހާން (27އ)
3. ސ. ހިތަދޫ / ސޯމާ، ޝަފީގު އިބްރާހީމް (35އ)
އެ މައްސަލައާ ގުޅިގެން ކޯޓު އަމުރެއްގެ ދަށުން ތިން މީހުން ހައްޔަރުކޮށް، އެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޝަރީއަތް ނިމެންދެން ބަންދުކުރުމަށް އަމުރުކޮށްފައި ވެއެވެ.
ފުލުހުން ބުނީ އެ މީހުންގެ މައްޗަށް ދައުވާކުރުމާ މެދު ގޮތެއް ނިންމައިދިނުމަށް އެދި ޕީޖީ އޮފީހަށް ފޮނުވާފައިވަނީ މި މަހުގެ 9 ވަނަ ދުވަހު އެވެ.
ޙުކުމް ތަންފީޒު ނުކުރެވޭތީ……ޤަބޫލު ކުރިޔަސް ނުކުރިޔަސް…..ޙައްލަކީ ޢުމަރު….ކެރޭނެ…… ކުރާނެ……އެހިތްވަރު ހުންނާނެ…..އެކަން އޮތީ މިނިސްޓަރ ކަމުގައި ދައްކާފަ
އުމަރޭ ބުރުމާއޭ ހޮޅި އެއް ކިނބޫ އެއް ނޯންނާނެ !އިސްލާމީ ޝަރީއަތް ތަންފީޒު ކުރަންޖެހޭނީ! ކަލޭމެން ގަމާރިއްޔާ އުމަރު ހޮވާބަލަ ކޮންމެ ސައިތާނަކު ވައުދުވާން އިނގޭނީ .ވެރިކަމަށް އައީމަ ރައޔިތުން ބޮލަށް ކަށިވެލިލައިގެން ހލނ.!!!!