ނޫސްވެރިކަމުގެ ޤައުމީ އިނާމަށް ކުރިމަތިލުމުގެ ފުރުސަތު ހުޅުވާލައިފި
މޯލްޑިވްސް މީޑިއާ ކައުންސިލުންދޭ، ޤައުމީ ނޫސްވެރިކަމުގެ އިނާމުތަކަށް ކުރިމަތިލުމުގެ ފުރުސަތު ހުޅުވާލައިިފިއެވެ.
މި އިނާމުތަކަކީ ކޮންމެ އަަހަރަކުވެސް މޯލްޑިވްސް މީޑިއާ ކައުންސިލުން ދޭ އިނާމުތަކެއް ކަން ފާހަގަ ކުރެވެއެވެ. މި އިނާމުތައް ދިނުމަށް ކަނޑައެޅިފައިވަނީ ޖުމުލަ 11 ދާއިރާ އަކުންނެނެވެ. މި އިނާމަށް ކުރިމަތިލުމަށް ހުޅުވާލާ މޯލްޑިވްްސް މީޑިއާ ކައުންސިލުން މިއަދު ކުރި އިއުލާނެއްގައި އެ ދާއިރާތައް ވަނީ ފާހަގަ ކޮށްފައެވެ. އެ ދާއިރާ ތަކަކީ:
(ހ) ތަޙްޤީގީ ނޫސްވެރިކަން (އިންވެސްޓިގޭޓިވް ޖާރނަލިޒަމް)
(ށ) އިޖުތިމާއީ، ތާރީޚާއި ސަޤާފަތް، ފަންނުވެރިކަން
(ނ) ތިމާވެއްޓާއި ދެމެހެއްޓެނެވި ތަރައްޤީ
(ރ) ސިޔާސީ
(ބ) ޝަރުއީ އަދި ޤާނޫނީ
(ޅ) ވިޔަފާރިއާއި އިޤުތިޞާދު
(ކ) ކުޅިވަރު
(އ) ފޮޓޯ ޖާރނަލިޒަމް
(ވ) ވީޑިއޯ ޖާރނަލިޒަމް
(މ) ފީޗަރ / ރިޕޯޓް
(ފ) އެންމެ އުންމީދީ ނޫސްވެރިޔާގެ އިނާމު
https://www.gazette.gov.mv/iulaan/view/133489
އަދި ހަމައެހެންމެ މޯލްޑިވްސް މީޑިއާ ކައުންސިލުގެ އިއުލާނުގައި ބުނެފައިވަނީ މި އިނާމުތަކަށް ކުރިމަތިލާނީ ނޫސްވެރިކަމުގެ އިނާމަށް ނަން ހުށަހަޅާ ފޯމު އަދި އެންމެ އުންމީދީ ނޫސްވެރިޔާއަށް ނަން ހުށަހަޅާ ފޯމުން ކަމުގައެވެ. މި ދެ ފޯމާއި، މާކުސް ދިނުމުގައި ބަލާނެ މިންގަނޑުތައް ކަނޑައަޅާފައިވާ ޖަަދުވަލުތަކާއެކު "މޯލްޑިވްސް މީޑިއާ ކައުންސިލުން ދޭ ނޫސްވެރިކަމުގެ އިނާމު ދިނުމުގެ އުސޫލު"ވެސް އިއުލާނާއެކު ވަނީ އާންމު ކޮށްފައެވެ.
ނޫސްވެރިކަމުގެ ގައުމީ އިނާމަށް ކުރިމަތިލުމުގެ ސުންގަޑިއަކީ 24 ސެޕްޓެމްބަރު 2020ވާ ބުރާސްފަތި ދުވަހުގެ މެންދުރުފަހު 13:30އެވެ. ފޯމު ހުށަހަޅަން ޖެހެނީ މޯލްޑިވްސް މީޑިއާ ކައުންސިލަށެވެ.
