"އެއް މުސްތަޤްބަލަކަށް 10 އަހަރުގެ ރަޙްމަތްތެރިކަން" ނަމުގައި ސިންޕޯޒިއަމެއް
"އެއް މުސްތަޤްބަލަކަށް 10 އަހަރުގެ ރަޙްމަތްތެރިކަން" ނަމުގައި ބޭއްވި ސިމްޕޯޒިއަމްގައި ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ވޭންގް ލިން ބައިވެރިވެވަޑައިގެންފިއެވެ.
މިދިޔަ ހަފްތާގައި ބޭއްވުނު މި ސިމްޕޯޒިއަމްގައި ސަފީރު ވޭންގ ވާހަކަފުޅު ދައްކަވަމުން ވިދާޅުވީ، ފާއިތުވި 10 އަހަރުގެ ތެރޭގައި ދެ ޤައުމުގެ ދެމެދުގައި އޮތް ގުޅުން ވަރަށް ބޮޑަށް ކުރިއަރާފައިވާ ކަމަށެވެ. އަދި މި ގުޅުމަކީ ދެ ޤައުމުގެ ރައްޔިތުންނަށް ގިނަގުނަ ފައިދާތަކެއް ލިބިފައިވާ ގުޅުމެއް ކަމުގައި ފާހަގަކުރެއްވިއެވެ.
ސަފީރު އިތުރަށް ވަނީ ޗައިނާއިން ދިވެހިރާއްޖޭގެ ތަރައްޤީއަށް އެހީތެރިވެދީފައިވާ މިންވަރު ފާހަގަ ކުރައްވާފައެވެ. އެގޮތުން ޚާއްޞަކޮށް އުމްރާނީ ތަރައްޤީގެ މަޝްރޫޢުތަކާއި، އިޤްތިޞާދީ އެހީތެރިކަމާއި، އަދި ޞިއްޙީ ދާއިރާއަށް ދީފައިވާ އެހީތެރިކަން ފާހަގަކުރެއްވިއެވެ.
މި ސިމްޕޯޒިއަމްގައި ދިވެހި ސަރުކާރުގެ އިސް ބޭފުޅުންނާއި، ވިޔަފާރިވެރިންނާއި، އަދި އެކަޑަމިކް ދާއިރާގެ ފަރާތްތައް ބައިވެރިވެ ވަޑައިގެންނެވިއެވެ. މި ބައްދަލުވުމުގައި ދެ ޤައުމުގެ ދެމެދުގައި އޮތް ގުޅުން އިތުރަށް ހަރުދަނާކުރުމަށް ކުރެވިދާނެ ކަންތައްތަކާ ބެހޭގޮތުން މަޝްވަރާކުރެވުނެވެ.
ސަފީރު ވޭންގ އިތުރަށް ވިދާޅުވީ ކުރިއަށް އޮތް ތަނުގައިވެސް ދެ ޤައުމުގެ ދެމެދުގައި އޮތް ގުޅުން އިތުރަށް ވަރުގަދަވެގެންދާނެ ކަމަށް އުންމީދުކުރައްވާ ކަމަށެވެ. އަދި މި ގުޅުމުގެ ސަބަބުން ދެ ޤައުމުގެ ރައްޔިތުންނަށް އިތުރު ކުރިއެރުންތަކެއް ލިބިގެންދާނެ ކަމަށް ޔަޤީންކުރައްވާ ކަމަށްވެސް ވިދާޅުވިއެވެ.
