ކަރަންސީ ސްވެޕެއް ހަދައި ރިޒާވް 600 މިލިއަން ޑޮލަރުން މައްޗަށް ޖައްސައިފި
ކަރަންސީ ސްވެޕެއް ހަދައި ރިޒާވް 600 މިލިއަން ޑޮލަރުން މައްޗަށް ޖައްސައިފި އެވެ.
ރާއްޖޭގެ މަރުކަޒީ ބޭންކު، މޯލްޑިވްސް މަނިޓަރީ އޮތޯރިޓީ(އެމްްއެމްއޭ)އިން މިއަދު ނެރުނު ނޫސް ބަޔާނުގައި ބުނ ީ ބޭރު ފައިސާގެ ރިޒާވް އިތުރުކުރުމަށާއި އިގްތިސާދީ ހަމަޖެހުމަށް އެހީތެރިވުމުގެ ގޮތުން އެމްއެމްއޭއާއި ރިޒާވް ބޭންކް އޮފް އިންޑިއާ (އާރްބީއައި) އާއި ދެމެދު ދާދި ފަހުން ކަރަންސީ ސްވެޕެއް ހަދާފައިވާ ކަމަށެވެ.
އަދި އެއާއެކު އެމްއެމްއޭއަށް 400 މިލިއަން ޔޫއެސް ޑޮލަރު ލިބިފައިވާކަމަށް ބުނެފައި ވެއެވެ.
އެއާއެކު މިދިޔަ މަސް ނިމުނުއިރު އޮފިޝަލް ރިޒާވް އެސެޓްސް 614.6 މިލިއަން ޔޫއެސް ޑޮލަރަށް އިތުރުވެފައިވާ ކަމަށް އެމްއެމްއޭއިން ވަނީ ބުނެފަ އެވެ.
އޭގެ ކުރިން މިދިޔަ ސެޕްޓެމްބަރު މަސް ނިމުނުއިރު އޮފިޝަލް ރިޒާވް އެސެޓްސްގެ ގޮތުގައި ހުރީ 371.2 މިލިއަން ޔޫއެސް ޑޮލަރުގައި ކަމަށް ވެސް އެމްއެމްއޭއިން ބުނެފައި ވެެއެވެ.
އެމްއެމްއޭއިން އިތުރަށް ބުނީ އާންމުކޮށް އެ ބޭންކަށް ލިބޭ ފައިސާ ބޭރުގެ ބޭންކުތަކުގައި އިންވެސްޓް ކުރި ނަމަވެސް، މިދިޔަ މަހު އެބޭންކުން 120 މިލިއަން ޑޮލަރު ރާއްޖޭގެ ބޭންކުތަކުގައި އިންވެސްޓް ކޮށްފައިިވާ ކަމަށެވެ.
"މިނިންމުމުގެ މަގުސަދަކީ މިއިންވެސްޓްމަންޓުން ލިބޭ ނަފާ ވީހާވެސް ބޮޑުކުރުމާއި މާލީ ދާއިރާގެ ކުރިއެރުމާއި ހަމަޖެހުމަށް މަގުފަހިކޮށް މުޅި އިގްތިސާދަށް ފައިދާވާނެ ގޮތަށް މިކަންކުރުމެވެ." އެމްއެމްއޭގެ ބަޔާނުގައި ބުނެފައި ވެއެވެ.
