ކުވައިތުގެ 6 އަހަރުގެ ކުއްޖެއްގެ ހަށިގަނޑު ފެން ތާންގީއެއްގެ ތެރެއިން ފެނިއްޖެ

ކުވައިތު: ވެރިރަށް ކުވައިތު ސިޓީއާއި 32 ކިލޯ މީޓަރު ދުރުގައި އޮންނަ އަލްޖަހުރާއިން ގެއްލުނު އަންހެން ކުއްޖެއްގެ މަރުވެފައިވާ ހަށިގަނޑު ފެންތާންގީއެއްގެ ތެރެއިން ފެނިއްޖެއެވެ.

Ads by Sosun Fihaara

ކުވައިތުގެ ފުލުހުންނާއި ހަވާލާދީ އެގައުމުގެ މީޑިއާއިން ބުނެފައި ވަނީ މަވްރާ ކިޔާ އެ ކުއްޖާ ގެއްލިފައިވަނީ މިދިޔަ ހުކުރު ދުވަހުގެ ހަވީރުގެ ވަގުތެއްގައި ކަމަށާއި އެ ކުއްޖާގެ ހަށިގަނޑު ފެނިފައިވަނީ އޭގެ އެއް ދުވަސްފަހުން ކަމަށެވެ.

ފުލުހުން ބުނެފައި ވަނީ ކުއްޖާ ހޯދުމުގެ މަސައްކަތް ކުރި ޓީމަށް އެކުއްޖާގެ ހަށިގަނޑު ފެނިފައިވަނީ ކުއްޖާގެ އާއިލާގެ ގެއެއްގެ ފުރާޅު މަތީގައި ހުރި ފެން ތާންގީއަކުން ކަމަށެވެ. އެ މައްސަލައިގެ އިތުރު ތަހްގީގު ކުރިއަށް ދާ ކަމަށް ވެސް ފުލުހުން ބުނެފައި ވެއެވެ.