ކައުންސިލްގެ މުދާ އޮޑިޓްކޮށް ދަފްތަރު ކުރުމުގެ ކުރިން ޝަކުވާއަށް ހުޅުވާލަން ޖެހޭ އުސޫލެއް
ކައުންސިލްތަކުގެ މުދާތައް އޮޑިޓްކޮށް ދަފްތަރު ކުރުމުގެ ކުރިން އާންމުންގެ ޝަކުވާއަށް ހުޅުވާލަން ޖެހޭގޮތަށް އުސޫލެއް އެކުލަވާލައިފި އެވެ.
ލޯކަލް ކައުންސިލްތަކުގެ ބާާރު ހިނގާ ދާއިރާގެ ތެރޭގައި ހިމެނޭ ބިންބިމާއި ތަންތަނާއި މުދަލާއި ގުޅޭ ގޮތުން އެކުލަވާލާާ އޮޑިޓްތައް ފާސްކުރުމުގައި އަމަލުކުރާނެ ގޮތުގެ އުސޫލު ސަރުކާރުގެ ގެޒެޓުގައި މިއަދު ވަނީ ޝާއިއުކޮށް އަމަލުކުރަން ފަށައިފަ އެވެ.
އެ އުސޫލުގައި ބުނެފައިވާ ގޮތުގައި ކައުންސިލުގެ ބާރު ހިނގާ ދާއިރާގެ ތެރޭގައި ހިމެނޭ ހުރިހާ ބިންބިމާއި ތަންތަނާއި މުދަލުގެ އޮޑިޓެއް ހަދައ،ި އެ އޮޑިޓުގެ މައްޗަށް ބިނާކޮށް ދަފުތަރެއް އެކުލަވާލަން ޖެހޭނެ އެވެ.
އަދި ކަައުންސިލުން ތައްޔާރުކުރާ އޮޑިޓަށް ބިނާކޮށް އެކުލަވައިލާ ދަފުތަރު ފާސްކުރުމަށްޓަކައި ލޯކަލް ގަވާމަންޓް އޮތޯރިޓީ (އެލްޖީއޭ) އަށް ހުށަހަޅަން ޖެހޭނީ "މަގޭ ކައުންސިލް" އެޕްލިކޭޝަނުގެ ޕްރޮޕަޓީސް މޮޑިއުލްގައި ދަފުތަރު ލިޔެ، އެގޮތުން ލިޔުނު ދަފުތަރުގެ މައުލޫމާތު ސައްހަކަން ކައުންސިލުން ކަށަވަރު ނުވަތަ ވެރިފައިކޮށްފަ އެވެ.
އަދި ކަށަވަރުކޮށްފައިވާ އެ ދަފުތަރު އެލްޖީއޭގެ ފަރާތުން ދައުލަތުގެ އިދާރާތަކަށާއ،ި ސަރުކާރުގެ ކުންފުނިތަކަށާއ،ި ކަމާ ގުޅުންހުރި އެހެނިހެން އިދާރާތަކަށް ފޮނުވައ،ި ދަފުތަރާމެދު އެއްވެސް ޝަކުވާއެއް އޮތްތޯ ބެލުމަށް 30 ދުވަހުގެ މުއްދަތެއް ދޭންވާނެ ކަމަށް ވެސް އުސޫލުގައި ބުނެފައިވެ އެވެ.
ހަމަ އެހެންމެ އަމިއްލަ ފަރާތްތަކުގެ ޝަކުވާއެއް އޮތްތޯ ބެލުމަށް ސަރުކާރުގެ ގެޒެޓުގައި ދަފުތަރު ޝާއިއުކޮށް 30 ދުވަހުގެ މުއްދަތެއް ދޭން ޖެހޭނެ ކަމަށް ވެސް ބުންޏެވެ.
