އިންޖިނިއަރިން ދާއިރާއިން ކިޔެވި ނަމަވެސް ބޮލީވުޑްގައި ފިޔަޖަހާ އަލިގަދަ ތަރީން!
އިންޖިނިއަރިން ދާއިރާއަކީ ވަރަށް ގިނަ ބައެއްގެ ޝައުގުވެރިކަން ހުންނަ ދާއިރާއެކެވެ. ނަމަވެސް އެ ޝައުގުވެރި ކަމަކީ ބަދަލު ވެސް އަންނަ ކަމެކެވެ. މި ބަލާލަނީ އިންޖިނިއަރިން ދާއިރާއިން ކުރިއަށް ދާން ބޭނުންވި ނަމަވެސް އެކަން ހުއްޓާލާ އިންޑިއާގެ ސްކްރީންތަކުން މަޝްހޫރުކަން ހޯދި ބައެއް މީހުންނަށެވެ.
ސުޝާންތު ސިންގް ރާޖުޕޫތު: ޖޫން 14 ވަނަ ދުވަހު އަމިއްލައަށް މަރުވި ސުޝާންތަކީ އިންޖިނިއަރަކަށްވުމުގެ ހުވަފެންތަކުން ދެކެމުން ދިޔަ މީހެކެވެ. އެ ހުވަފެން ހާސިލް ކުރުމަށް ޓަކައި 2003 ވަނަ އަހަރު ހެދި "އޯލް އިންޑިއާ އިންޖިނިއަރިން އިމްތިހާނުން" މުޅި އިންޑިއާއިން ހަތްވަނަ ސްޝާންތު ހޯދިއެވެ. އެހެން ނަމަވެސް އިންޖިނިއަރިން ކިޔަވަމުން ގޮސް އެންމެ ފަހު އަހަރު އޭނާ އެކަން ހުއްޓާލީ ފިލްމީ ދާއިރާއަށް ލޯބި އުފެދިގެންނެވެ.
ސޮނޫ ސޫދު: އިންޖިނިއަރިންނާއި އިލެކްޓްރޯނިކްސްއިން ފުރަތަމަ ޑިގްރީ ހާސިލް ކޮށްފައިވާ އިންޖިނިއަރެއް ނަމަވެސް ސޮނޫ ސޫދު ބޭނުންވީ މޮޑެލް ކުރުމުގެ ދާއިރާއިން ކުރިއަށް ދާށެވެ. އެދާއިރާއިން ކާމިޔާބެއް ނުލިބުނު ނަމަވެސް ފިލްމީ ދާއިރާގައި ކާމިޔާބީތަކެއް ހޯދިއެވެ. އަދި ވަކީން ޚާއްޞަކޮށް ކޮވިޑް19 ގެ މި ދުވަސްވަރު އިންޑިއާގެ އެތައް ހާސް ރައްޔިތުންނަކަށް އެހީތެރިވެ އޭނާ ވަނީ ނަމޫނާ ދައްކާފައެވެ.
ކަރްތިކް އަރްޔާން: ފިލްމީ ދާއިރާއިން ކުރިއަށް ދިޔުމަށް ދެކެމުން އައި ހުވަފެން ހަގީގަތަކަށް ވުމުގެ ކުރިން ކަރްތިކް ވަނީ އިންޖިނިއަރިންއިން ފުރަތަމަ ޑިގްރީ ހާސިލް ކޮށްފައެވެ.
ތާޕްސީ ޕަންނޫ: ކޮމްޕިޔުޓަރ ސައިންސް އިންޖިނިއަރިން ދާއިރާއިން ގުރެޖުއޭޓް ވެފައިވާ ތާޕްސީ ވަނީ ފިލްމީ ދާއިރާއަށް ނިކުތުމުގެ ކުރީން ސޮފްޓްވެއަރ ކޮމްޕެނީއެއްގައި މަސައްކަތް ކޮށްފައެވެ. މިއަދު ތާޕްސީއަކީ ބޮލީވުޑްގައި އެންމެ ހިނގާ އެއް މޫނެވެ.
ކްރިތީ ސެނޮން: ހީރޯޕަންތީ އިން ފިލްމީ ދާއިރާއަށް ނިކުތް ކްރިތީ އަކީ އިލެކްޓްރޯނިކްސް އަދި ކޮމިޔުނިކޭޝަން އިންޖިނިއަރިން އިން ބީޓެކް ޑިގްރީ ހާސިލް ކޮށްފައިވާ ފަންނާނެކެވެ. ކްރިތީ މަޝްހޫރު ވެގެން ދިޔައީ ޝާހްރުކްޚާން ، ކާޖޮލް އަދި ވަރުން ދަވަން އާއެކު ކުޅުނު ފިލްމް ދިލްވާލޭ އިންނެވެ.
