ޕީބީޑީ ގައި ބައިވެރިވުމަށް 50 އަށްވުރެ ގިނަ ގައުމުން ރަޖިސްޓްރީކޮށްފި
މި އަހަރު ބޭއްވުމަށް ހަމަޖެހިފައިވާ ޕްރަވާސީ ބާރަތިޔާ ދިވަސް (ޕީބީޑީ) ގައި ބައިވެރިވުމަށް 50 އަށްވުރެ ގިނަ ގައުމުތަކުން އިންޑިއަން ޑަޔަސްޕޯރާ ރަޖިސްޓްރީ ކޮށްފައިވާކަމަށް އިންޑިއާގެ ބޭރު ކަންތައްތަކާބެހޭ މިނިސްޓްރީ (އެމްއީއޭ) އިން ބުނެފި އެވެ.
އެމްއީއޭގެ ސްޕޯކްސްޕާސަން އަރިންދަމް ބަގްޗީ ވިދާޅުވީ މި އަހަރުގެ ޕީބީޑީ އަކީ ވަރަށް ކާމިޔާބު އިވެންޓަކަށް ވާނެ ކަމަށެވެ.
އިވެންޓުގައި މިދިޔަ އަހަރުތަކުގެ ބައިވެރިވި ފަރާތްތަކުން ލިބުނު ފީޑްބެކްގެ ސަބަބުން 2025 ވަނަ އަހަރުގެ ޕީބީޑީ އަށް މިހާރު ވެސް ވަރަށް ގިނަ އަދަދެއްގެ ބައިވެރިން ރަޖިސްޓްރީ ކޮށްފައިވާ ކަމަށްވެސް އަރިންދަމް ވިދާޅުވި އެވެ.
ޕްރަވާސީ ބާރަތިޔާ ދިވަސް އަކީ ބޭރު ގައުމުތަކުގައި ދިރިއުޅޭ އިންޑިއާގެ ރައްޔިތުންނާއި އިންޑިއާގެ އަސްލު ނަސްލުގެ މީހުންނާ ގުޅުން ބަދަހިކުރުމަށް ކޮންމެ ދެ އަހަރަކުން އެއް އަހަރު ބާއްވާ އިވެންޓެކެވެ. މި އިވެންޓުގައި ދުނިޔޭގެ އެކި ކަންކޮޅުތަކުގައި ދިރިއުޅޭ އިންޑިއާގެ ރައްޔިތުންނާއި އިންޑިއާގެ އަސްލު ނަސްލުގެ މީހުން އެއްތަނަކަށް އެއްވެ، އެމީހުންގެ ތަޖުރިބާތައް ހިއްސާކޮށް، އިންޑިއާގެ ސަރުކާރާ ގުޅުން ބަދަހިކުރުމުގެ ފުރުސަތު ލިބެ އެވެ.
2025 ވަނަ އަހަރުގެ ޕީބީޑީ ބޭއްވުމަށް ހަމަޖެހިފައިވަނީ އިންޑިއާގެ އުއްތަރު ޕްރަދޭޝް ސްޓޭޓްގެ ވެރިރަށް ލަކްނައުގަ އެވެ. މި އިވެންޓަށް ދުނިޔޭގެ އެކި ކަންކޮޅުތަކުން ގިނަ އަދަދެއްގެ އިންޑިއަން ޑަޔަސްޕޯރާ ބައިވެރިވާނެ ކަމަށް އުއްމީދު ކުރެވެ އެވެ.
