ދާންދޫގައި މާރާމާރީ ހިންގާ ބިދޭސީއަކަށް އަނިޔާވެއްޖެ

ގއ. ދާންދޫގައި ދެމީހަކު ޒުވާބުކޮށް މާރާމާރީ ހިންގާ ތޫނު އެއްޗަކުން ހަމަލާ ދީފިއެވެ.

Ads by STELCO

ފުލުހުން ބުނީ ދާންދޫ ހޮޓަލެއްގެ ތެރޭގައި ދެ މީހަކު ޒުވާބުކޮށް ތޫނު އެއްޗަކުން ހަމަލާ ދީފައިވާ ކަމުގެ ރިޕޯޓެއް ރޭ 21:50 އެހާކަށްހާއިރު ލިބިފައިވާ ކަމަށެވެ.

ފުލުހުން އެ ސަރަހައްދަށް ދިޔައިރު އަނިޔާ ލިބިފައިވާ 31 އަހަރުގެ ބަންގްލަދޭޝް ފިރިހެނަކު ދާންދޫ ހެލްތު ސެންޓަރަށް ގެންގޮސްފައިވާ ކަމަށް މައުލޫމާތު ލިބިފައިވާ ކަމަށް ފުލުހުން ބުންޏެވެ. އަދި މައްސަލާގައި ތުހުމަތު ކުރެވޭ ދެވަނަ މީހާ ވެސް ފުލުހުންގެ އެހީތެރިިކަމާއި އެކުގައި ޑޮކްޓަރަށް ދައްކާފައިވާ ކަމަށާއި އެ މަރާމާރީ ދެ މީހުންނަށް ވެސް އެކިވަރުގެ އަނިޔާ ލިބިފައިވާ ކަމަށް ފުލުހުން ބުންޏެވެ.

މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.