ކުރިން އަހަންނަކީ އާމިރު ޚާންގެ ބޮޑީ ގާޑް: ރޮނިތު ރޮއި
ރޮނިތު ރޮއި ގިނަ ބަޔަކަށް އެނގެނީ ދިވެހިންގެ ތެރޭގައި މަޤްބޫލު ވެގެންދިޔަ ސޯޕް އޮޕޭރާއެއް ކަމަށްވާ ކަސޯޓީ ޒިންދަގީކީ އިންނެވެ. އެއަށްފަހު މަޝްހޫރު ބައެއް ފިލްތައް ކަމަށްވާ ސްޓޫޑެންޓް އޮފްދަ އިޔަރ އާއި 2 ސްޓޭޓް ފަދަ ފިލްތަކުން ވެސް ރޮއި ފެނިގެން ދިޔައެވެ.
ރޮއި މިވަނީ އޭނާ ކެރިއަަރ ފެށުނު ގޮތާ ބެހޭ ގޮތުން، ބޮލީވުޑްގެ ޚަބަރުތައް ގެނެސްދޭ މީޑިޔާއެއް ކަމަށްވާ ޕިންކްވިލާ އަށް އިންޓަރވިއުއެއް ދީފައެވެ.
މި އިންޓަރވިއުގައި ފުރަތަމަ ފިލްމް ކުޅެން ޝައުޤުވެރިވި ސަބަބާއި ފިލްމީ ދާއިރާއަށް އޭނާ ވަނުމާ ބެހޭ ގޮތުން އޭނާ ވަނީ ވާހަކަ ދައްކާފައެވެ.
"އަހަރެން އޭރު ވަޒީފާއިން ކަނޑާލީ. ދެން ކުރާނެ ކަމެއް ނޭނގިގެން އުފެއްދީ އަމިއްލަ ސެކިއުރިޓީ ކޮމްޕެނީއެއް. އަދި ފިލްމީ ތަރިންނަށް ސެކިއުރިޓީ ދޭން ފެށީ" ރޮއި ބުނީ އޭނާ ބޮލީވުޑް އަށް ވަނުމުގައި އާމިރު ޚާންގެ ދައުރެއް ވާކަމަށާއި އޭނާއަަށް ފުރުސަތު ފަހި ކޮށްދިނީ އޭނާ ކަމަށެވެ.
"އާމިރު ޚާންގެ ބޮޑީ ގާޑްއަކަށް އޭރު އުޅުނީ" ރޮއި ބުންޏެވެ.
ރޮއި އިތުރަށް ބުނެފައިވަނީ، އާމިރު ޚާންގެ ބޮޑީ ގާޑްއަކަށް އޭނާ އުޅުނު ދުވަސްވަރު، އާމިރު ޚާންގެ މަސައްކަތްތައް އޭނާ ވަަރަށް ގާތުން ބަލަމުން ދިޔަ ކަމަށެވެ. އަދި އެކްޓް ކުރުމާއި ގުޅުން ހުރި ސުވާލުތައް އާމިރު ޚާން އާ ކުރަމުން ދިިޔަ ކަމަށާއި އެކްޓިންގެ ތެރެއަށް ވަދެވުނީ އާމިރު ޚާންގެ ސަބަބުން ކަމަށެވެ،
"ކިއުކީ ސާސްބީ ކަބީ ބަހޫތީ" ފަދަ ހިންދީ ޑްރާމާ ތަކުން މަޝްހޫރުކަން ހޯދި ރޮއި ބުނީ އޭނާ ބައެއް ފިލްމުތަކުން ޖާގަ ހޯދައި ދިނުމުގައި އާމިރު ޚާންގެ ދައުރު ވަރަށް ބޮޑު ކަމަށާއި އެކަމަށް އޭނާ އަބަދުވެސް ޝުކުރުވެރިވާ ކަމަށެވެ.
ރޮއި އެންމެ ފަހުން ފެނިގެން ގޮސްފައިވަނީ، ހޮސްޓޭޖް 2އިންނެވެ.
